مين معها مس عاشق او تعالجت منه

السلام عليكم
بنات انا من زمان يقولون لي الشيوخ معك عين قديمه و قوية قاعده تخف بس ما تروح
هالشي جاني وانا بالمتوسط انقلب حالي و مرت علي ايام كئيبه لا تطاق كانت الدمعه بعيني و انقلب حالي بالدراسه و هالشي زمان قبل ١٦ سنة ايامها ناس تقولي اقري البقرة و شيوخ يقولون لازمك رقية اللي صار استمريت بالبقره لين ما صرت طايحه بالفراش رحت لشيخ عطاني موية مقري فيها شربتها و كان الالم اللي احسه اشبهه بالكوره في بطني انفجرت و استفرغت زيوت على قطع دم
مشي حالي الين ما وصلت لدراستي بالجامعه بدا اكشن جديد
كدمات بساقي اليسار
احلام مخيفه ( اقرى الفاتحه على قبر ميت كان يصارخ ويقول لي طلعيني من هنا - انفث علىو نار وانا اردد اعوذ بكلمات الله التامة من كل شيطان و هامه و من كل عين لامه - قرات البقره مره في قيام الليل وكنت ايامها متضايقه و لما اسجد اتحسب ع وحده ضلمتني نمت حلمت بحرمه لابسه عباة سودا و ولدت اربع ابساس سود واحد منهم ميت كان موية حاره انكبت عليه - كذا مره صار لي تحرش و انا نايمه - و مره اول ما غمضت سمعت كحة رجال عند راسي -
كنت ما اقدر احافظ ع الصلاة ولا اقدر استمر بسورة البقره بس بعد ماا استمريت علئ رقية ابن جبرين على ما الشرب و اشربها على الفطور و اقول بعدها حسبي الله ونعم الوكيل استفرغ كل يوم و استمريت عليها رمضان كامل و اسبوع قبل رمضان و بعد العيد ( رابع يوم بالعيد حسيت شي من صدري فك ضيقه راحت كنت انفر من موضوع الزواج قعدت اقول ليش كانت نضرتي كذا سوداويه بعدها صرت اصلي عادي و قدرت اقرى البقره
لما بدات باللبقرة صارت يدي بعد ١٢ يوم توجعني ( ربطت الموضوع بقصة صارت لي و بيوم كنت بعرس يدي ذي بردت تنملت صارت توجعني -- مره ثانيه بعرس ثاني مره ثالثه كمان ( و كل ما نويت ع البقره يطلع لي احد يقول اعتمادها بالرقية بدعه و خلقه انا اكسل عنها (
بيوم نمت و جاني جاثوم قعد ع كتفي و انا نايمه ع جنب و معه دبوس دقني بيدي ذي قمت من النوم و نقز من كتفي ع الارض و كان فعلا صوت سقوط ع الارض
المهم كل يوم مع البقره يزيد الوجع و بعد شهر صارت لي اشياء اكون قاعده بمكان الرادي يشتغل لحاله او اغراضي من فوق الدولاب تطيح بقوه - او اشوف شي من السقف يطيح ( عشر ايام اكشن -- بعد ما تميت اليوم الاربعين تماما و بقراتي الاربعينيه قمت اعطس وقت القراءه و يدي تفك شوي شوي بعد ما خلصت دايركت ع الحمام اسهال دام يومين متواصلات



و قلت اني تشافيت و اقعد سنه ما احس بشي <<
اخر عشر ايام من شهر ٦ حلمت حلمين بعدها عاهدت ربنا اني انتبهه لنفسي
الحلم الاول جاثوم اسد اتهاوش معه و انبح عليه انا زي الكلب
الثاني جاثوم ثعبان يلحقني يوم قمت من النوم حسيت اني مقيده كان ميت يد ماسكتني من يومها و انا ما تركت البقره
لكن بيوم نمت عن صلاة الفجر و بدون طهاره
قمت من النوم يديني فيها حنه ( حقيقه حنه و بريحتها
قرات تفسيره انه من المس العاشق و انه العين القديمه اذا طالت تتحول لمس عاشق
بنات ايش هي اعراض المس انا اشك انه من زمان عندي لاني من زمان اسمع اصوات و احلم بتحرشات و الحين سالفة الحنه رغم اني محافضه ع البقره
و كل من نوى يتقدم لي يحصل شي عكسسس و يغير الموضوع