قران شيكي على الخاص حبيبتي

براءه لييييييييييييييييييش؟؟
بلعكس اقساامهم مره حلوه هندسه وديكور وادارة اعمال ومحاسبه ووووالخ كل الاقسام تقريبا فيها اكثرمن فيصل
خصوصا ان بالشرقيه ماعندنا جاامعه الا هي وفيييصل

انتي تدرسين فيها؟؟؟؟؟؟؟؟؟؟؟؟؟؟

^

عن اذنك يا ليان بنسخ للبنات الرد الي ارسلته لك ع الخاص:26:
عشان تعم الفائده ..:26:



هلا بك :26:

الموضوع جداً بسيط مايحتاج اي واسطه اولا!

اول ماتروحين وتقدمين اوراقك ..
يقولون لك وش القسم الي حابه تدخلينه
تحددين القسم الي ودك
وهم ( ادارة اعمال / ادارة ماليه / محاسبه / حاسب الي /
هندسة حاسب الي / تقنية معلومات / هندسه (تصميم داخلي )
وفيه قسم جديد ( هندسة كهربائيه )

طبعاً بعدها راح تروحين تدفعين 500 ريال للاختبار
وهالاختبار بيكون خاص بالانقلش والرياضيات
وتراهم مررررره قوين بالانقلش
لان اغلب الاساتذه والدكاتره والبروفسورات اجانب
بعد الاختبار يحددون لك انتي في اي مستوى
وهم تقريباً اربع مستويات للانقلش
(بقنرز / انترميديت / ادفانس / كور )
الاول للي مستواها ضعيف ويبدون معهم من الصفر تقريباً
الثاني نص ونص
الثالث للي لغتهم ممتازه
الرابع ماياخذها الا الاجانب او الي تغرد بالانقلش تغريد ماشاء الله

بعد مايحددون لك مستوى الانقلش ..
تحددين معهم موعد لاختبار الرياضيات
بس طبعاً مايحددون لك اختبار الرياضيات الا اذا كانت انقليزيتك حلوه
لو عكس ذلك بيأجلون لك مواد الرياضيات ويستبدلونها بكورسات انقلش مكثفه
الى ان مستواك يتعدل بالانقلش وعقبها يتجهون للرياضيات
والرياضيات لها مستوين

=انترميديت الجبرا
=انتردوكتري الجبرا

الاخير هو المستوى المتقدم ..

طبعاً من ضمن الاشياء المهمه هي المقابله الشخصيه
وطبعاً بالانقلش

يسألونك اسأله عاديه ..
عنك وعن شخصيتك / هواياتك /عائلتك / ليه اخترتي جامعة الامير محمد
ليه اخترتي قسمك ؟ وهكذا
و مثل ماقلت لك كله بالانقلش

مممممم هذي اهم الاشياء الي سألتيني عنها

طبعاً الرسوم 45 الف ريال بالسنه الواحد ..
تقدرين تدفعينها دفعه واحد .. او على اجزاء ..
ممكن 45 الف ريال مره وحده للسنه
او 22،500 الف ريال للترم الواحد
او 7،500 الف ريال لكل شهر دراسي

اذا متوفر عندك وسيله مواصلات .. كان بها
مو متوفره بحكم ان المسافه تقريباً بحدود الـ 40 كيلو
عندهم باصات خاصه ..

اي استفسارات اخرى انا في الخدمه

تصبحين على خير:26:

سوري ماقلت لك عن افضل الاقسام
كل الاقسام تقريباً هي من الاقسام المطلوبه حالياً
في المجتمع .. لكن الافضل تدخلين مجال الهندسه لانه هو الي محوره ضيق شوي
البقية تقدين تحصلينه عليه في جامعات اخرى او معاهد ودبلومات بعد الجامعه

اما بالنسبه للبنات ..
فعادي مثل خلق الله هههههه
الوضع عادي جداً انتي بس اصملي وتوكلي على الله
وقبل كل شي استخيري
وربي يوفقك

يختي انا متخوفه من الجامعه من البنات الي يتكلمون عنه
لا عادي خلهم يستفيدون بلعكس:)

طييب هندسه وديكور فيها رياضيات ؟؟؟؟؟<<<<<<تكرهه هالماده:(

الانقلش + الرياضيات ..
لكل الاقسام لانها تعتبر سنه تحضيريه
ومن بعدها تبدين تخصصك



نسبه النجاح في المواد 70 % مو 60%

يعني تجيبين اقل من 70% راسبه