نكمل


اما لنكاوي وماادراك ما لنكاوي طبيعه وجمال وهدوء يعني بجد مكان رائع للرومانسيه

بس اكثر من ثلاثه ايام لاتجلسين لانك بتملين من الهدوء

وعندك احلا فندق : فندق بلانجي بيتش اللي هو عباره عن اكواخ كل كوخ فيه غرفة نوم او غرفتين او ثلاثه او اربعه
بس الفندق من كبره تتنقلين له بسياره صغيره مثل سيارات نوادي القولف او بالدراجات

لما تجلسين على الشاطئ تاكدي انك بتاخذين راحتك لان الفندق كبير والاكواخ موزعه على مساحه كبيره على الشاطئ
والبحيرات الصناعيه التابعه للفندق
الفندق تحفه
وفندق موتيارا بيتش كمان حلو بس مو احلى من الاول مع انهم من فئات الخمس نجوم

وعيب فنادق لنكاوي انها بعيده عن قلب المدينه يعني مسافه ربع ساعه تقريبا

وفيها اسواق بسيطه اغلبها بضاعات محليه ومطاعمها وجبات سريعه فقط

وممكن تستاجرين لك قارب يمشيك على الجزر القريبه من لنكاوي وهذي الرحله تستغرق ثلاث ساعات

على فكره اذا رحتي لكوالالمبور لاتنسين تحجزين لك ليله او ليلتين في جينتينج اللي فيها مدينه الملاهي ، وجوها بارد
وطبيعتها خيال فيها فندق اسمه جينتينج سعره حلو

اهم ثلاث مدن ،،
1/ بيننج ،،،
هذي مدينه ساحليه ،، هدووء فظيع فيها ... قعدت فيها اربع ايام ،،

2/لانكاوي ،،،
مدينه للاستجمام ،،، قعدت فيها يومين...

3/كوالالمبور ،،
هذي العاصمه ، وقعدت فيها سبع ايام سكنت فندقين،، وهذي اسواقها عدي وخربطي ،، بس غاليه...
على العموم انصحك تتسوقين في بيننج ولانكاوي فيها بضاعه حلوه وروعه ورخيييصه...
اما العاصمه اسواقها حلوة وفخمه وماركات بسسسسسسسسسسسسس ناااار..
لاتسوين مثلي خليت كل شي للعاصمه واسواقها وبعدين ماقدرت عليها..

ونصيحه ثانيه ،،، لاتاخذين معاك ملابس شتويه ابدا ابدا ،،
اختي راحت قبلي ماليزيا وتقول جوها زين ، عاد يوم رحت انا في موسم ثاني ،، قالت لي خذي لك ملابس شتويه لانك بتروحين بايام برد ، وصدقت كلامها ،، وتعالي شوفي الورطه الكبييره ،

جو ماليزيا استوائي ،،، معتدل ورطب طوول العام وامطارها على مدار السنه ،، يعني جوها مايتغير..

سفر سعيد ،، بس الله يعينك على المشي والاكل ،، اكلت اشياء نيه واشياء مااعرفها وحاجات بتمشي ،،ههه
بس العاصمة فيها مطاعم عربيه،،، رجعت ديرتي عصله من قلة الاكل وكثرة المشي....

طبعا مافي احد راح ماليزيا بدون كاميرا فيديو وفوتو،، والا كانه ماراح...


في معلومه ،،، هناك وخصوصا العاصمه ،، نشاطهم واسوقهم تبدأ من 4 العصر إلى 9 الليل،،.

ماذكرت لك الفنادق والاسواق والملاهي والمنتزهات لان التكاسي والبكجات ماراح يقصرون معاك.
صدقيني بتستانسين فيها حييل ،، ولما ترجعين وتشوفين الاشرطه والصور ، راح تحسين انك رحتي عالم ثاني....

خواتي حبيت اسال عن فندق اسمه سن واي لاجوون
حد فيكم سكن فيه؟؟وايش مميزاته؟؟وعيوبه؟؟
لاني شفت ان فيه مميزات مثل الملاهي والسكيتنغ..بس مادري وين موقعه؟؟
اذا بعيد ولا وسط الاسواق؟؟؟

فندق سن واي لاقون موجود في مدينة سن واي لاقون الترفيهيه القريبة من العاصمة
وتطلعين منه على الملاهي على طول وووناسه
وهو فندق كشخه اسعار الغرف تقريبا 350ريال لليله في الغرفه المزدوجه
وفيه سوق كشخه فيه كل الماركات وفيه صالة التزلج


لاتخافين احجزي فيه ليلتين والا ليله وماراح تندمين ان شاء الله