خلي صلاخ الوتر فضفضه بينك وبين ربك كل اللي تبينه في هالدنيا الزائله والاخره الباقيه اطلبيه من ربك بعد الرفع من الركوع
انا كذا اخلي كل حاجاتي اطلبها من ربي وخالقي وحبيبي الله
وفيه دعاء دايما اقوله في الوتر اللهم اسالك حبك وحب من يحبك والعمل الذي يبلغني حبك اللهم اجعل حبك احب إلي من نفسي ومن مالي ومن اهلي ومن الماء البااااااااارد وسبحان الله في هذا غالبا مابكي وانا اقوله احس انه اهم شي عندي هذا الشي بينسيني هم نفسي وهم عيالي وهم الدنيا كلها لانها هم هي على قلبي
والله الوتر خاصه في الثلث الخير من الليل لها طعم خاصه اذا صار بخاطرك شي او ضايق صدرك او حزينه اروح اصلي الوتر وطبعا قبله صلاه الشفع وهي غباره عن ركعتين الركعه الاولى تقرين سوره الاعلى والثانيه الكافرون
واصلا صلاه الوتر سنه مؤكده ويكفيك ان الله وتر يحب الوتر وان الرسول مايتركها حتى في السفر
..داومي عليها وخلاص بعده ماعاد تقدرين تتركيها

اولا تذكري انك لن تستمري عليها الا اذا اعانك الله
لان الصلاة تبغى صبر..
"وأمر اهلك بالصلاة و واصطبر عليها"

حاولي ما تحطي راسك ولا تغمض عيونك قبل لا تتوضاي وتصلي لو ركعه ...

صدقيني لو استمريتي بس كم اسبوع
مارح يطاوعك قلبك تتركينها مهما كان
بس يبغى لك شوية عزيمة وصبر
ودائما كرري هذا الدعاء
"اللهم اعني على ذكرك وشكرك وحسن عبادتك"

والله انا برضه مقصره ونبغى المزيد من النصائح ولكم الاجر

مشكوره اختي على تذكيرنا باذن الله اننا نتشجع وما نترك الوتر

انا بالنسبه لي اول مابديت اصلي كنت قبل لا أنام فأحياناً الساعه 11 او 12 اصليها بعدين انام تعودت الحمدلله ع كذا والحين لي فتره اوقت الجوال قبل اذان الفجر بنصف ساعه تقريباً واصحى واصليها وادعي واقرأ احياناً قرآن الين يأذن الفجر بعدين اصلي وأنام ..بس أحياناً تروح علي نومه ومااصحى وقرأت في أحد المنتديات إن اللي يتعود يصلي الوتر بعدين تفوته في احد الليالي إنه يقضيها في الضحى زوجيه ماأدري من هالكلام ودي أسألكم فعلاً تقضى صلاة الوتر او لا....
وأسأل الله أن يعينني وإياكم واخواننا واخواتنا المسلمين والمسلمات على قيام الليل إنه على كل شئ قدير..

مدري ليش احنا كذا قبل الزواج نكون محافظين على الوتر وبعده ننساه او نتهاون فيه
انا بعد الزواج تركته او اذكره يوم وانساه 10 ايام وبعد 8 سنوات رجعت له لاني ما حسيت اني مرتاحه طول الايام هذيك
وهداني الله ولله الحمد واطمع في الهدايه اكثر من كذا وادعو لي الله يزيدني ويثبتني ويثبت الجميع
بس انا ما رجعت لها الا لاني اسهر علشان اصلي الفجر لاني اذا نمت ما اقوم اصلي الا الصبح فصرت ضربت عصفورين بحجر