عزيوتي قمر قطر.....تجربتك في التخااطر غريبة وصدق تتعب
وأنا قرت عن هذا الموضوع بإسم (( الاتصال التخاطري الا حسي)) و ها الحاله نادره .. وهيه موجوده احيانا بين الأم واعيالها أو التوائم المتطابقه.. ولكن.. ممكن تنوجد ها العلاقه بين اشخاص ما تربطهم أي علاقه دم ... وبدقه اكثر .. هذي الظاهره عباره عن لغة من لغات النفس حال اليقظة و تحدث غالباً بين طرفين مرتبطين نفسياً برباط المودة و الآلفة و الرحمة و غالباً ما يتم التخاطر في أوقات النهار و ذلك بان تحدث حالة شديدة من المشاعر الفياضة من الفرح او الحزن من المرسل إلى المستقبل و ينبغي ان يكون المستقبل في حالة ارتياح نفسي و المرسل في حالة توتر و تأزم ... و عندها يتم الإرسال التخاطري بين الطرفين....

وزي ما قلتي التخاطر لا يرتبط بالمكان ولا بالزماااان

والله يكون في عونك صدق يتعب ....
وبالعكس حبيبتي ما طولتي ....واستمتعت بردك...


أنا التخاطر اللي يحصل لي هو(( رساله ذهنيه موجهه من شخص الى آخر))

يعني مثلا : صديقتي سافرت مصر وما قدرنا نتواصل ....انقطعنا عن بعض بعد فترة جلست في يوم من الأيام أفكرفيها إلا يمكن دقائق وتدق علي....هذا الموقف حصلي مرتين مع صديقتين في مصر

وفي صديقة ثانية في جدة كنت بقول لأختي من زمان ما كلمتها((أقصد صديقتي )) ما خلصت كلمتي وعلى طووول التلفون يرن...... أختي رفعت السماعة لقتها نفسهااللي كنت بتكلم عنها.


وبصراحة كثيرة مواقف تحصل لي شوفي هالموقف كمان:
أنا كنت بفكر بموضوع وأنا بشتغل أحسه أخذ تفكيري كله وكنت بقول لا سمح الله لو صار لي هذا الموقف كيف بتصرف بيه وفكرت كثير....خلصت شغلي ...شبكت النت...دخلت على عالم حواء ....وبعدين دخلت على المجلس العام وكانت هذه اول مرة أدخل فيها على المجلس العام ......لقيت نفس الموضوع اللي كنت بفكر فيه واحد كاتبه وكيفية التعامل معاه...


وقرأت إنو موهبة التخاطر زي أي موهبة لازم تنميها وتصقليها ......



ومستنية موقفك الثاني إن شاء الله


والبنات اللي صار لها مواقف مع التخاطر تذكرها لينا

وكمان يااريت نتناقشعن هالعلم وهل انتي مؤمنة بهذا العلم ؟؟هل تحاولي تطبقيه؟؟ايش اللي استفدتيه؟؟هل أخذتي دورات.؟؟؟؟؟؟


لميس مشكورة على الرد......وعن إنو الواحد لازم يحكم دينه وعقله ....إيوه صحيح في ناس يبالغوا يتمادوا في هذي المواضيع أن قررت إني ما أتعمق كثير في الطرح الكوكبي أو الخروج من الجسد الذي يحصل بواسطة الجسد الأثيري....لأنه غامض وغريب شوي لكن الفروع الأخرى مثل التخاطر والفراء التصويرية والإسترخاء......أحسها أشياء مفيدة..والله أعلم

دمتم بخير

تسلمين لارا على كلامج لي.. و لانج مهتمه بالموضوع.. بذكر لج ابرز المواقف اللي صارت لي .. باذن الله

حصلت لي مواقف بنفس الطريقة الي حصلت معاج..وهذا الموقف الي خلاني اعرف اني موهوبه فعلا في هالمجال.. والمساله مب مسالة صدفة..

هذا يا طويلة العمر.. حصل مع وحده من صديقاتي.. كانت بتسافر وعطتني تاريخ السفر.. المهم قبل هالتاريخ بكذا يوم.. كنت جالسة انتظر محاضرتي تبدا في الجامعه.. جلست بروحي ارتب اوراقي.. شي غريب خلاني ارفع الجوال وارسل مسج لرفيجتي اسالها وينها..
ما ردت على المسج..
المهم طول المحاضرة وانا احاول اركز في كلام الدكتور.. لان المقرر كان وايد صعب.. لكني مب قادرة اركز.. تفكيري كله صوب رفيجتي غصب عني..
ما صدقت الدكتور خلص طلعت بسررررررررعه ودقيت عليها.. اول ما كلمتها..
قالت لي انا توني نازلة من الطيارة.. وكنت بكلمج واقولج اني سافرت....!!!!!!!!!

المهم الشي الغريب اني حسيت بروحي انها طلعت من الديره..

ونفس الشي صار اكثر من مره.. اتصل عليها و اول سؤال اساله .. انتي في وين.. و يصدق احساسي وتكون مسافرة..

المهم اني حاولت اشرح لها الموضوع.. لما سالتني شلون عرفتي.. بس هي يحليلها مافهمت :D وعجزت وانا احاول افهمها.. لكن في الاخير قلت لها تنسى الموضوع وخلاص..


وبالنسبه لاسالتج ياقلبي.. انا ما اعتقد انه علم.. لانج مهما حاولتي تدربين اذا ماعندج الاساس مابتقدرين توصلين لنتيجة..

انا اؤمن بوجود التخاطر.. طبعا لاني مريت بتجارب كثيرة.. احيانا كانت تتجاوز مرحلة المشاعر.. للالم الجسدي..


على فكرة بقولج شي بعد غريب <<< الحين بتقولين هالبنت غرررريبه :D

اني احس بحصول الاشياء قبل ماتحصل..

مثلا كنت مرة اتعشى مع عيال اختي بنت و ولد الله يحفظهم.. والبنت عندها كوب عصير طول الوقت وانا اقولها .. امسكي العصير لاتتركينه حطيه هني.. لا يكته اخوج.. وكانت فديتها تسمع الكلام..
لكن بالاخير اخوها بطريقة غير متوقعه ابدااااااااا مع انه كان يمشي بعيد شوي عن اخته.. جات رجله صوب العصير وانسكب..

وبعد حصلت نفس السالفة لبنت خالي ( الله يشافيها ).. كنا حاطين صينية على الارض..ولاني كنت متحنيه ما قدرت اشيلها.. ومنتظرة الخادمة عشان تشيلها.. المهم وانا اكلم خالتي ونسولف.. عيني غصب تجي على الصينية.. واقول لبنت خالي الصغيرة..انتبهي لاتطيحين.. حذرتها اكثر من مرة وفي الاخير.. داست الصينية وطاحت..

ماادري اذا كان هذا بعد من العلم الي قلتي عنه ولا لا.. :27:

انتبهوا ترى هو على عدت مراحل بعد كذا توصلين الى الالحاد هي عددت مراحل تتعلمينه بعد كذا تتوقفين عندمرحله معينه لانك لو تجاوزتيها.............

سبحان الله انا اكتشفت هذا العلم من اسبوعين عن طريق الموقع إلى ذكرتيه فعلا هو علم مفيد و انا متلك نفسى اتعلمه بس حاليا ابتديت اقرا كتب عن كيفيه تدريب قواى الفكريه . انا اعتقد ان كل انسان عنده قدرات داخليه لكن ما يعرف يستخدمها او ما يعرف انها موجوده اصلا واحسن شى هو ان الإنسان يدرب و ينمى هالقدرات

والله ودي اتعلم هذ العلم لكن لمن قلت لزوجي قال لازم يكون عندي معرفة اودورات في تطوير الذات وفن الالقاء
اتمنى يلبنات انكم توضحون اكثر وياليت تعطوني اسم الموقع ودي اتعرف اكثر