مين نزلت معها موية الراس قبل الطلق ما يجي

اخواتي انا في حملي الاول نزلت موية الراس من الصبح الين العصر وما رحت المستشفى خايفه من الطلق الصناعي اومن العمليه
المهم جارتي الله يجزاها خير نصحتني بالمشي وامشي الين المغرب وسبحان الله مع المشي جاء الطلق وحمي وبعدها رحت المستشفي وولدت اخر الليل ولله الحمد والمنه
لكن ما انكر ان الدكتوره قعدت تصارخ علي وتقول المفروض اني جيت اول مانزلت المويه خوفآعلى الجنين
حاليآ انا في نهاية شهري وخايفه تحصل نفس الحركه ودي اعرف حد مر بنفس الحاله ووش كان النتيجه بعدها رحتي المستشفى على طول او لا
الله يجزاكم خير عطوني تجاربكم لاني على وشك ولاده اذا ربي اراد