مين ها تبدأو تمشي معايا في الرجيم يا حلوات ( رجيم من اخصائي تغذية )

بسم الله الرحمن الرحيم

أزيكو كلكو يا رب تكونوا بخير و بصحة جيدة

أنا ها ادخل في الموضوع على طول

يا ريت نعمل مجموعة تشجيعية لفقدان الوزن الزائد

و أنا الحمد لله بقالي أسبوعين عاملة رجيم و ماشية علية كويس الحمد لله

و كنت 110 و بقيت 102 و طولي 176 و انشاء الله نفسي انزل ل 80 كدة

و لول أقل يكون أحسن و انشاء الله نشوفكم و نشجع بعض

و انا بمشي كل يوم حوالي ساعة

يلا بسرعة تعالي معايا نكون فريق و نتحدى بعض و انشاء الله

ربنا يوفقنا و نوصل للي عاوزينة

وهذا الرجيم

شوفي بقى يا ستي الدكتور اللي انا ماشية معاة عامل لي نظام السعرات

و كل شوية يغير لي النظام

انا بقالي 3 اسابيع متابعة معاه و لغاية دلوقتي ما أعطاني ولا يوم فري

و قال لي ان ايام الفري دي هي الكارثة بعينها و قال لي اني لو نزلت

لدرجة معينة ها يعطيني وجبة واحدة تكون فري

و كمان خدي بالك و انتي عاملة رجيم لازم تأكلي وجبة الفطار لأنها وجبة مهمه جدا

و يستحسن لو تبدأي يومك بدري يعني تفطري من الساعة 8 او 7 و تأخدي وجبة

خفيفة بين الأفطار و الغدا الساعة 11 مثلا و تيجي بقى الساعة 2 تتغدي

و الساعة 5 تأخدي وجبة خفيفة و أهم شيء أنك تجعلي العشا بدري اوعي تأخرية

يعني يكون على الساعة 7.30 بالكتير قوي دي خطوات مهمه

أما الدكتور أداني اول أسبوع كان رجيم نوعا ما صعب شوية على اساس طبعا

كنت لسة بأكل بكميات كبيرة و نوعيات معينة

الرجيم اللي أتبعتة أول أسبوع كان :

الأفطار : بيضة مسلوقة + كوب من الحليب الطبيعي ( مش طويل الاجل عشان طويل الاجل فية

مواد حافظة و المواد الحافظة تساعد على زيادة الوزن ) + ثمرة فاكهة + طبق سلطة خضار

مع تقليل الطماطم بقدر الامكان و الملح ( لأنهم بيحبسوا الماء داخل الجسم )


بين الافطارو الغداء : ثمرة فاكهة ( يفضل تفاح او كمثرى او جوافة منزوعة البذر ) + حبايتين

خيار و لو أخدتي التفاح مع الخيار بيساعد على نضارة البشرة

الغداء : شوربة خضار ( او خضار مطبوخ ني في ني من غير دهون ) او شوربة لحم

+ ربع دجاجة و تكون صدر او قطعتين لحم

بين الغداء و العشاء : ثمرة فاكهة + 2 خيارة

العشاء : كوب زبادي + ثمرة فاكهة او ثمرتين فاكهه

يمنع من الفواكة ( العنب و التين و البلح و المانجو )

و يمنع من الخضار البسلة وكل الخضرات المجففة

و كنت باخد سيبوترم كبسولات و هاي كروم حبوب

بس اهم شيء مايكونش عندك ضغط او حامل او غيرة