السلام عليكم بنات حواء الغاليات
كل عام وانتم بألف خير
ان شاء الله يجي العيد وتكونو بافضل حال
وكل المسلمين والمسلمات في كل بقاع المعمورة
بدخل في الموضوع
انا فتاة وحيدة امي ، وبحبها جدا وعلاقتي معها مميزة
كل صديقاتي بحسدوني عليها
عمري 25 سنة ـ آنسة طبعا :)
مشكلتي اني صرت بشعر انه امي ما بدها ياني اتزوج !!!!!
الشعور بلش يزداد ويقوى كل ما يصير موضوع
بتخاف جدا جدا ، مرات بحس بدها تبخني عن عيون الناس
وبتقول لهم اني لسه بدرس ومو فاضية لهاي القصص !!
هو صحيح انا مو ببالي كل القصه وكل الفكرة
لكن فعلا الموضوع بلش يأثر في
مرات بمزح معها بقلها ( يا امي ادعيلي يجي شاب ابن حلال يخطبني )
بتعصب بوجهي وبتقولي ليه بكير شو بدك بالزواج
ما هيك قاعدة ببيتك ومبسوطة ومو محتاجة شي
لما نكون راحين على مشوار ونشوف حدا من معارفها بالصدفة بحسها بدهاش تقلهم اني بنتها
مو عشان شي لا سمح الله ولا قدر بس عشان كل ما حدا شافني بقولو ما شاء الله عليها بدنا نخطبها لولدنا
حتى مرات بكون نفسي اروح على جمعات النسوان من باب التغير او دروس دين
بحسها مو حابه اروح لنفس السبب
صديقاتي بحكولي عشاني وحيدتها مو حابة اتزوج واتركها
تخيلو بتفضل اسافر اكمل دراستي على اني اتزوج
والله العظيم مو زعلانة على قصة الزواج لانو كله نصيب من ربنا
بس زعلانة من موقف امي ،، يارب تسامحني انا بحبها وهي اكيد بتحبني كتير
بس
:(
مابعرف الموقف غريب جدا ، انا بشوف الامهات اول ما يخلصو بناتهم دراسه بحاولو يخطبو لبناتهم
او يطبقو اي قصة
إلا امي - سبحان الله -
حتى في والدة صديقتي كل ما تشوفني او تجي زيارة بتقول عقبال ما نفرح ببنتك (( وهي انا ))
بتقلها لا لا بكير لاحقة على هم الجازة والاولاد وتعبهم
صرت افكر ليكون في شي غلط وانا مو حاسه على حالي
بس لا لا الف حمدلله على نعم الله عز وجل
شو اعمل اخواتي لاني بجد بلشت اختنق من موقف امي ( يارب تسامحني يارب )
بس ساعدوني في حدا مر بهيك موقف عجيب
برجع وبأكد اني بحب امي حب كبير جدا جدا روحي فداها والله
بس هيك الدنيا حلو الانسان يصير عنده اطفال وعيلة
حتى بنات انا ما بعرف اطبخ ، حابه اتعلم هاي السنة لاني فضيت
وهي ياحرام مابدها كل ما ادخل على مطبخ بتقلي خلص انا بعمل كل شي
والله مو عارفه شو القصة
يلزم عليك تسجيل الدخول أولًا لكتابة تعليق.
الصفحة الأخيرة
بس لو رح اكمل دراستي رح تكون لشهادة الدكتواة
ان شاء الله تكون مجرد اوهام معي اني بشك
انا موضوع الزواج والله مو فارق معي كتير
خاصه احنا بوقت مافي فيه ولاد حلال متل زمان
بس الفكرة اني غيراني من امهات صديقاتي
كلهم بفكرو لبناتهم
على العموم تسلمي اختي :)
جزاك الله كل خير