اختي انا كان عندي مثل القلق اللي انتي فيه
انا حامل وادرس بنفس الوقت وعندي بعد طفل الله يخليه وزوجي تخصصه طبي مايجي البيت الا المغرب هذا غير المناوبات
ومع ذلك قلت لامي ماابغاها تجيني لما اولد
انا لاحظت البنات اللي ولدوا هنا عند ازواجهم علاقتهم مررررررة صارت قوية ببعض وازواجهم صاروا يتحملوا مسؤولية اطفالهم بشكل مو طبيعي لانه الزوج يحس انه مافي احد مع زوجته لا امها ولا اهلها ولا احد ويشعر بأنه المسؤول الاول والاخير وطبعا هذا من صالحك لانه راح تقرب علاقتكم ببعض هذا غير العادات اللي تعود عليها الرجل الشرقي واللي هي انه الام هي المسؤوله عن الاطفال وهو ماله شغل راح تتغير نهائيا

ماشاء الله في وحدة اعرفها جابت اولادها اثنين في امريكا وزوجها شرقي بحتتتت كل شي على المرأة ولكن الان ماشاء الله لما اروح ازورها اهي تطالع تلفزيون ولما عيالها يحتاجون تغيير للحفاظ تخيلي يعني انا بالنسبة لي من اعظم الاشياء هو ماشاء الله عليه يروح يغير لهم ويعطيهم الرضاعة وكل شي

فتوكلي على الله ولاتقتلي طموحك عشان فترة مؤقته وهالفترة على الرغم من انها راح تكون شوية صعبة بس تذكري انها مؤقتـــــــــه واثارها المستقبلية ايجابية باذن الله عليكم كلكم

الله يكون بعونك

ماجربت بس حبيت انبهك لشي مهم
واجهت كثير امهات يهملون اطفالهم عشان الدراسة وكأنها حياتها للدراسة مو لاطفالها

فانتبهي بعدين على طفلك ووازني اموري
واستخيري الله يكتب لك اللي فيه الخير،،...

توكلي على الله .. انا ولدت بالغربه مولودي الاول وكان معاي زوجي بس ..وبرضو كنت ادرس في الجامعه.. الحمد لله يارب تيسرت بفضل رب العالمين .. والدراسه ان شاء الله راح تتسهل بس اهم شي تنظمين وقتك وتسوين لك نظام معين لحياتك يرتب لك امورك ..وجهزي اغراض النفاس والبيبي من بدري عشان تتفرغين بعد الولاده ..موفقه يارب

الله يهون عليك

انا ولدت طفلي الاول في الغربه لحالي وزوجي كان مشغول مره
ودرست وهو عمره بالاشهر والحمدلله كنت متفوقه

لكن نصيحتي لك هي لا تحاولين تكونين مثاليه في كل جانب اذا ركضتي ورى المثاليه بكل طاقتك بتتعبين وممكن توصلين لاكتئاب لا سمح الله لانك ماراح تقدرين توفقين بشكل مثالي بكل كل هالامور "بيت وطفل ودراسه وزوج"
مافيها شي لو صار في شوي تغاضي وتقصير في جانب ومن وجهة نظري احس البيت هو اللي ماراح يكون في ضرر لو قصرتي شوي فيه
وانا اعترف البيت كان اقل شي اهتم فيه مقابل الطفل والدراسه والزوج

انا ولدت مولودي البكر في الغربة وزوجي يدرس احسها صعبة صدق ان الزوج يطبخ وينظف بس مهما كان مو نفس شغل الحريم
بس انت استخيري الله ثم توكلي علية وقرري قرارك الاخير