مين ولدت وحصل للبيبي نقص اكسجين ؟؟

السلام عليكم ...


يا بنات أنا جبت ولد من 3 شهور ولله الحمد
المهم الولادة كانت طبيعية بس على طلعة الراس أعطوني تخدير نمت ما صحيت إلا وكل شي منتهي ولله الحمد

على اليوم الثاني قال لي زوجي أنهم يقولون حصل للبيبي نقص اكسجين ما أدري من تعب الولادة والا حصل شي للحبل السري والا كيف ... والظاهر أن النونو تشنج مرة وحده بس

المهم تنومت مع النونو تقريباً أسبوع كانت المتابعة فيها مطمئنة بالنسبة للرضاعة والسكر ونسبة الأكسجين ... إلخ
كان ماشاء الله ما كأن فيه شي ويقولون أفاده أنه كان مستصح ماشاء الله وزنه فوق الـ 3 ونص كيلو ماشاء الله

المهم بعدها طلعونا وأعطاني الدكتور علاج استمريت عليه اسبوعين وبعدها قال خلاص وقفيه وراقبي الولد إذا حصل له أي تشنج أو أي شي ارجعي أعطيه العلاج وتعالي



المهم يا بنات ولدي ماشاء الله إلى الآن بيكمل 3 شهور ولا فيه إلا العافية ولله الحمد
بس برضو خايفه لا يتأثر بعدين لا سمح الله مع أن الدكاترة ما خوفوني بالعكس رحت المراجعه قال كل شي كويس ومطمئن

ما أدري اللي حصل لأطفالهم نقص اكسجين هل كانوا في البداية طبيعيين والا كان مبين فيهم من أول شي ؟؟



طبعاً ولدي بسم الله عليه رضاعته طبيعيه وحركته طبيعيه من يوم كمل شهر ونص بدأ يضحك لنا ويستجيب ويتفاعل لما نسولف معه , أوقفه يوقف عادي ما أحس فيه لا شد ولا رخاوة في أطرافه ولا شي
ألحين هو زي غيره من الأطفال وأحسن ماشاء الله تبارك الله

فما أدري يا بنات من خلال تجاربكم هل راح يتأثر ولدي لا سمح الله
والا أنه كلام مستشفيات وتخويف على الفاضي , خاصة أني ما أذكر من التخدير وش حصل بالضبط وقت الولادة :icon33: