ماما قسمت انا كبرت صورة الفستان بالجهاز عندي ولاحضت ان المراوح يمكن فيها زياد ة انما اللي باين ليا انا ده حسب ما انا شايفه يعني ان الشغل اللي بين المراوح الشكل اللي بالبترون هدا صح؟؟

اعتقد انها زي ما قلتي بالبدايه تلات مراوح تلات سطور بدون زياده وبعدين بالتلات السطور التاليين ابتدت تزيد في المراوح وكمان اللي قلتللك انا عليه بالبترون علمتللك عليه باللون الأحمر بدل 2 سلسله بيبقوا 3 سلاسل والأزرق بدل 4 سلاسل بيصيروا 5 سلاسل والتلات سطور اللي بعديها بدل 3 يبقوا 4 وبدل ال 5 بيبقوا 6 هنلاحض ان الشكل هيعمل زي منضر الفستان يا رب تكوني فهمتيني يا ماما

يا ريت نجرب ونشوف النتيجه عشان انا لا حضت من الصورة ان المنضر عامل زي المتلت من نفس المكان اللي حكيتللك عليه عشان كده بيتوسع بالطريقه ده ولا يعلم الغيب الا الله يا رب ما اكون كترت في الكلام شوفي الصورة بعد ما علمت عليها تاني

نبض الكروشيه ما شاءلله عليك وعلي تطبيقك يا غاليه بجد اتقنتيها ولكن من فضللك تحطي شرح الطريقه كتابي عشان الأخوات بجد زي الفستان بالضبط بارك الله فيك ابدعتي بنت بلادي بيها صدق حلوة مرة

ما شاء الله يا نبض جميلة جدا وفعلا التصوير ظالمها ربنا يحميكى

صباح الخير لكل الحوائيات
والله حمستينى من جديد للفستان اختى ام قسمت خاصة انى وعدت الاختrabiaaciyor بانى اشرحلها البترون من رؤيتى الخاصة له
شوفى استاذتى انا حاولت وعملت وحدة واحدة حسب رؤيتى للفستان ونفذتها مع الشرح
طبعا عملت اختصارات عملت فقط مروحة -مروحة الوسط-مروحة(بدلا عن 3مراوح-مروحة -3مراوح اختصارا للوقت)ههههه
وركزت الشرح على المروحة الوسطى اللى فيها التوسيع
بدات من السطر 5 بعد ال4 اسطر المراوح الاولى
معليش الشرح مبسسسسط والرغى كتير ههههه بس حتى المبتدئات يفهموا
نشوف الصور








السطر 14****
اشتغلنا مروحة -3سلاسل -مروحة
السطر15****
اشتغلنا مروحة فوق المروحة ثم 2سلسلة ثم عمود بمنتصف ال3 سلاسل من السطر السابق ثم 2 ساسلة ثم المروحة
السطر 16****
اشتغلنا مروحة -2سلسلة -2عمود بالعمود اللى تحت -ثم 2س ومروحة

السطر 17***
اشتغلنا مروحة -2سلسلة -ثم عمود-سلسلة -عمود -ثم 2سلسلة -مروحة
السطر 18***
مروحة -3سلاسل -عمود بالعمود اللى تحت -2سلسلة -عمود -3سلاسل -مروحة
السطر 19***
مروحة -5سلاسل -عمود بالعمود اللى تحت -2عمود بالفراغ بين العمودين-عمود بالعمود -5سلاسل -مروحة
السطر 20***
مروحة -3سلاسل ونشبك فى منتصف ال5 سلاسل بالسطر السابق بعمل حشو -ثم 3سلاسل -ثم 2عمود-س-2عمود بال4 اعمدة اللى تحت -3سلاسل ونشبك كالسابق ثم مروحة
السطر 21*****
مروحة -3سلاسل ثم عمود بلفتين فى وسط غرزة الحشو اللى تحت -ثم 3سلاسل -عمودين -2سلسلة -عمودين (بالاعمدة فى السطر السابق)-3سلاسل-عمود بلفتين -3سلاسل -مروحة


السطر 22*****
مروحة -مروحة فوق العمود بلفتين -مروحة بالفراغ بين ال4 اعمدة -مروحة بالعمود بلفتين -مروحة بالمروحة الاساسية
وهنا نلاحظ ان عدد المراوح اصبح 5مراوح ودة باين فى الفستان من تحت


بعد كدة حسب المقاس ممكن تكررى المراوح فقط اذا كان الفستان صغير
او تزودى فى السلاسل بين المراوح حتى يعطى توسيع زيادة لو كان المقاس كبير
وممكن اللى حابة تزود اكتر تزود بنفس هذا النظام او اى تزويد اخر
ولمعرفة المقاس المناسب عمل سطر مراوح وقياس ارتفاع المروحة
اتمنى شرحى يكون واضح ورؤيتى تكون شبه صح
وننتظر اراء الاخوات ووجهة نظرهم الخاصة للفستان
ان شاء الله حشتغل الفستان حسب رؤيتى هذه وحتكونوا اول ناس تشوفوه
بانتظار رائك اختى ام قسمت