قرقوعة @krkoaa
عضوة فعالة
مين يبدا معاي اسبوع السعادة الزوجية ؟
تحذير : الموضوع طويل و يباله راس فاضي .. لو حاطة الاكل على النار لا تندمجين وايد عشان ما تحرقين الغداء
السلام عليكم و رحمة الله و بركاته ..
شحالكم يا حلوين
حد منكم جد دخل منتدى السمنة و النحافة و شاف الريجيمات الجماعية اللي يسوونها البنات ؟؟
شو رايكم احنا بعد نسوي اسبوع جماعي .. يعني نحط جدول للانشطة الزوجية و فعاليات المهرجان اللي بنسويها <-- فعاليات الصيف مش احسن عنا
لكن بنخلي المهرجان الزوجي 5 ايام فقط نظرا لعدم ضمان ظروف الطقس و المشاكل الزوجية اللي تطلع لنا من تحت الارض
المهم اللي بتشترك معاي لازم تلتزم بالقوانين :
ممنوع ذكر اي تفاصيل يعني لما نقول اليوم نسوي مساج
تقول سويت المساج و انبسط زوجي و بس
لكن زوجها شو سوى و كيف كملوا السهرة و تنغيزات مالها داعي كل هذا ما يهمنا ..
((الا في حالة اذا زوجها فشلها تخبرنا عشان نضحك عليها خخخخخخخ :23: ))
شئ ثاني قبل ما ابدا اريد كل واحدة تشاركني تقنع نفسها ان هالاسبوع بيكون اسبوع العسل
يعني تحاول بشتى الوسائل انك ما تتضايقين :44:
و صدقوني يا بنات عن تجربة شخصية يوم اقنع نفسي اني سعيدة و مستانسة هالشي ينعكس على تصرفاتي بشكل ايجابي حتى لو كنت متضايقة
نبدا بالجدول و كل وحدة ترتبه على حسب ما يناسب وقتها .. و اذا في وحدة عندها زيادات او حركات حلوة يا ريت تشاركنا ..
اول يوم بيكون الاسبوع القادم عشان نفتح مجال للمشاركات يعطونا افكارهم و الزعلانة تتصالح مع زوجها :01:
يوم السبت :
تمهيد للحركات .. البيت لازم يكون يلمع من النظافة و ريحته حلوة
و الاولاد في غرفهم او اذا اولادج شياطين صرفيهم برا البيت احسن :o ..
و العصر تجهزين حلو مع الشاي و انتي تكونين حاطة مكياج ناعم و لابسة لبس حلو
و تخلينها قعدة هادية بس ضحك و سوالف و ما اوصيك على الصوت ..
خليه انعم شئ تقدرين عليه :23: و حاولي هالهدوء يظل لاخر اليوم
يوم الاحد :
(( مساج للقدمين )) جهزي ماي حار و فوطتين صغار + 3 فوط متوسطة مع ماسك للقدمين
و يوم يرجع زوجك المصون خليه يتمدد على السرير
اختياري : (( اذا عندك زيت لافندر بللي فوطة صغيرة بماي حار و اعصريها عدل و حطي شوية زيت لافندر على طرف الفوطة
و حطي الفوطة على عيون زوجك بحيث الطرف اللي فيه الزيت يكون جهة الانف عشان يسخسخ ))
واذا ما عندك مش مشكلة نبدا بالمهم اولا : هاتي الفوطة المتوسطة و حطيها تحت رجوله عشان ما يتوسخ السرير
و الفوطة المتوسة الثانية لفيها و حطيها تحت كعب الرجل عشان ترفع القدمين شوي
و الفوطة المتوسطة الثالثة غطي فيها القدمين (( تغطية القدمين مهمة في المساج ))
و ابدي اكشفي قدم واحدة و سويلها مساج باي زيت خاص للمساج
و اذا ما عندك ممكن زيت زيتون حار
و يوم تخلصين بللي الفوطة الصغيرة بالماي الحار و لحفي قدمه فيها
و ارجعي غطيها بالفوطة الكبيرة
و انتقلي للقدم الثانية نفس الشئ مساج ويوم تخلصين غطيها بالفوطة الساخنة
و بعدين الفوطة الكبيرة
و ارجعي للقدم الاولى اكشفيها و حطي عليها الماسك مع شوية تدليك
بعدين غطيها بالفوطة الكبيرة بس
و نفس الشئ للقدم الثانية و تخلين الماسك 5-10 دقائق
ممكن تسوين خلالها مساج لفروة الراس ..
بعدين تغسلين الاقدام باستخدام الفوطة الصغيرة بحيث تغطينها في الماي و تمسحين القدم لين تنظف من الماسك
يمكن تشوفين السالفة طويلة بس هي و الله سهلة
كل الفكرة باختصار انك دايما تخلين القدم اللي ما تسويلها مساج مغطاية لان هالشئ يبعث الاسترخاء في الجسم
يوم الاثنين :
خليك طول اليوم ساكتة و شغلي النظرات و بس .. يعني بس تمي طالعيه بنظرات دلع و اذا سألك شو فيك ابتسمي و قوليله ماشئ بس احب اطالعك
و اذا تكلمتي خلي كلامك كله دعاء له يعني .. الله يخليك لي .. الحمدالله ان عندي زوج مثلك .. الله يسعدنا اكثر و اكثر
اما الشكاوي و المشاكل خذي منها اجازة اليوم ..
حتى لو انشاء الله انفجر تانكي الماي و غرق البيت مب تتصلين و تدعين عليه
و على التانكي التعبان اللي اشتراه و تخربين كل شئ ..
عادي خليك هادية و نادي عيالك يتسبحون في الحوش :42:
يوم الثلاثاء :
سويله ليله حلوة :30: ..
كل وحدة على حسب امكانياتها و مزاج زوجها .. اللي زوجها يحب الحركات القرعة خليك قرعة على الاخر و اللي تحب تسوي ليلة حمراء او صفراء على راحتها .. اما اللي زوجها ما يحب هالاشياء ممكن تشتري فيلم حلو او مسرحية قديمة ( الجديد كله بايخ ) و تجهز فراخ ( بوب كورن , فشار) مع عصير و تسهر هي و زوجها على الفيلم ..
يوم الاربعاء :
اللي تشتغل تاخذ اجازة :o.. و تبدا تغير البيت و بالاخص الصالة و غرفة النوم تغير اماكن الاثاث و ترتبه بترتيب جديد .. تشتري ورد و ترتبه في الصالة و الغرفة .. تغير فراش النوم و تستخدم شئ من زمان ما استخدمته او تشتري واحد جديد ..تستخدم عطر جديد للبيت .. كل واحدة و حسب امكانياتها بحيث ان بعلها المصون يتفاجأ اول ما يدخل و يحس بالتجديد ..
تم بحمد الله الايام الخمسة :27:
يا ريت اللي عندها افكار او حركات حلوة تشاركنا فيها
و ممكن اذا شفنا ان السالفة كانت ناجحة و غيرت من روتين حياتنا الزوجية ممكن نسوي اسبوع ثاني بس هالمرة من افكاركم يا بنات :13:
56
5K
يلزم عليك تسجيل الدخول أولًا لكتابة تعليق.
قرقوعة
•
هلا حبيبة زوجها نور الموضوع بوجودك .. :27:
الافكار البنات ممكن ينزلونها طوال الاسبوع
و انا برتبها و انزلها الاسبوع اللي بعده في جدول واحد
او ممكن نعدل على جدول هالاسبوع بعد
لكني حبيت ان اول اسبوع يكون هادي نوعا ما و ما يكون صعب على البنات :)
بس ما قلتي حبيبتي انت مشتركة معانا و لا لأ ؟
الافكار البنات ممكن ينزلونها طوال الاسبوع
و انا برتبها و انزلها الاسبوع اللي بعده في جدول واحد
او ممكن نعدل على جدول هالاسبوع بعد
لكني حبيت ان اول اسبوع يكون هادي نوعا ما و ما يكون صعب على البنات :)
بس ما قلتي حبيبتي انت مشتركة معانا و لا لأ ؟
افا عليك انا اول مشتركه
واي شي جديد لا تنسين تعطيني الاخبار اول باول
ومتى راح تبدون اوكي
حبيبتي قرقوعه
واي شي جديد لا تنسين تعطيني الاخبار اول باول
ومتى راح تبدون اوكي
حبيبتي قرقوعه
lameess
•
ماشالله عليكي .. أفكارك رووووووووووووعة
انا نفذت بعضها و النتيجة طلعت روعة
لكن لي بعض الاضافات
سأذكرها فيما بعد :26:
انا نفذت بعضها و النتيجة طلعت روعة
لكن لي بعض الاضافات
سأذكرها فيما بعد :26:
الصفحة الأخيرة
موضوعك اكثر من رائع وحماسي
يعني يتم من الاسبوع القادم
وما ننزل افكار الا نهايه الاسبوع
و يسلموووو اختي قرقوعه
على الافكار الجهنمية