مين يجاوبني ـ ؟؟؟؟ احترق ولا لا ؟؟؟

السلام عليكم
انا و اهل زوجي ساكنيين مع بعض لكنا ما نتكلم ابدا وخصوصا البنات اللي في سني بسبب اخت زوجي الله يسامحها و يبعث لها زوج طيب
المهم انا وياهم مثل الماي و الزيت وهم احتمال بكره على حسب ظني و من طراطيش الكلام اللي لقطته من افواههم انهم بيروحون يتعرفون على خطيبة ولدهم و يشيلوا الكبار والمتزوجين للتعارف و تقديم الهدايا ..... حريم فقط وانا حاسه انهم ما يخذوني معاهم و لا حتى يكلموني بهذا الخصوص

اذا طلع ظني خطا فالحمد لله
و اذا طلع ظني صح ، شو اسوي احترق ولا شو ؟
لانهم سووها معي مرة و ما استبعد انهم يسونها مرة ثانيةوالله ما اعرف ويش اسوي بحالي
اللي قرت بمعاناتي من قبل بتفهم حالتي
انا سبق وشرحت الظروف اللي اعاني انا منها و ما اعتقد ان في خمسة في المنتدى عندهم نفس اللي اعاني منه
اهلي مقاطعني بسبب يبغوني على مزاجهم واسايرهم ضد زوجي
و زوجي كل شوي يقول لي انا ما محتاج خدماتك و انا اصرف نفسي
واهله شايفين نفسهم وايد وايد
و ليش خطبوني لولدهم ؟؟ ما ادري
على قولة زوجي كانت غلطة
حسبي الله ونعم الوكيل
ولو اهلي مثل الناس ما كان اهل زوجي عاملوني بهذا الشكل
الاب جبار وظالم و خريج سجون
والام حالتها النفسية سيئة جدا و همها الوحيد الفلوس و المظاهر الكذابة
الاخوان اللي في الشرق واللي في الغرب شاردين
و البقية اسوء و اسوء
حسبي الله ونعم الوكيل
الاحتراق مش من اهل زوجي مثل ما بينت في البداية ، الاحتراق من الهموم اللي اعيش فيها


و ما اقدر اطنش قلة احترام زوجي لي و طبع اهله
ما اقدر ازور امي ولا اخواتي بسبب الفضايح اللي صارت و زوجي مانع على تواير سيارته
انها توصل لشارع اللي اهلي ساكنين فيه بعد ما عمله الوالد بلاوي في شغله و فضحه


لا صديقات ولا حد يزورني ولا خوات و لا اهل و لا اهل زوج طيبين
حالتنا المادية صعبة و الزوج مهتم بتكوين مشاريع لتنمية الدخل و بناء بيت مستقل
ولا ؟؟؟؟
حتى السوق ما يمديني ادخل المحل حتى يقولي يا طلعنا بسرعة مشغول و ما فاضي
و ما يمديني اشتري شي حق عمري الا لقيت ويهه مثل البالون الاحمر معصب و شوي يبغى ينفجر
احتاج اطلع و اهله مثل ما خبرتكم و اهلي مقاطعيني و خصوصا الوالد و الوالدة

اريد حل ولا تقولوا الصبر أنا بصبر لكن حالتي وايد صعبة و اللي مهون علي القران والدعاء
ردوا علي الله لا يهينكم ؟؟؟

احتاج نصايحكم