عادي يدخلونها حتى شغالتي اذا عجزانه ارتبها ادخل الشغاله وترتبها بس اكون معها

انا مااحب احد يدخل غرفة النوم لان فيها اشياء خاصة ..لكن اضطر ادخلهم لان عندي حجرة وحده ..

وشرايكم اذا قلت لكم زوجي يدخل اصدقاءه في حجرة النوم وصرت اهاوشه على هالشي .. :icon33: :icon33: ومرات اشك يدخلهم بدون علمي وقت ماانا طالعه

ومرات يدخل اهله وانا مو موجوده وبدون علمي :( ...لكن انا قايله له حرام حرام عليك تدخل ناس غرفة النوم وقت غيابي ..

ومره سافرنه عطا اخته مفتاح الحجره ..ومن رجعت الا اشوفهم لاعبين باغراضي وعطوري وشايفين ملابس نومي ..حتى زعلت منهم على هالسالفه :icon33:

عادي أهلي واهله وصديقاتي مومشكلة مع أن زوجي مايحب أحد يدخل بس مو لدرجة أنه يمنعني أدخل أحد هذا لما أكون موجودة بالبيت أما إذا كنت مو موجودة بالبيت ماأحب أحد يدخل وينبش باغراضي وهذي عوايد أهل زوجي صرت لما أطلع اقفل غرفتي بالمفتاح

انا خوااااتي بس غيرهم لا0لا والف لا
اذا جاني احد اقفل باب الغرفه علشان ولدي مايفتح الباب

شوفوا ..
واقروا زييين..
الكلا م اللي بكتبه ..نصيحة .. وتجربة ..وابتلاء "الحمدلله ع كل حال"
مازلت اعاني منه الى اللحظة التي كتبت فيها هذا الرد..

غرفتي زوجي وراها قريباته قبل ياخذني ..وكان طااااااير من الفرح فيني ..
ملابسي واغراضي ..وديتها قبل اجي لغرفتي باسبوع ..
واخواته وامه تفرجوا ع كلللل شي لدرجة انهم عرفو ا كل لبسي قبل يطب جلدي ..
احنا في عائلتنا عاااااااااادي .. كنت لما اطلع
اخلي غرفتي مفتووحة وانا كنت روومانسية وحاطة اشياء وحركات ودروع لزوجي ..
وكنا فجأة نتهاوش ونكره بعض ..وخلااااااص نترك بعض اسابيع لا اكلمه ولا يكلمني

لكن بعد اللي صار لي من معاناة .. ومرض ..والعلاقة "الزوجية" اللي كان يصعب جدا حدوثها
.. وتدهور العلاقة بينا بشكل ..
ودخولي المستشفى ..مررااااات "اللهم لك الحمد "
والانهيارات اللي تجيني وانعزالي في السنة الاخيرة عن الناس وحتى عن " عيالي " آآآه قطعة من ر وحي .. يا جعلهم يصلون علي .. وربي أكتب هالرد وقلبي يتقطع
بعد ماكنت مضرب المثل في حبي وعنايتي بعيالي صاروا "يخوفوني"فعلا صرت اخاف من عيالي .. !!!!!!!!!!!!!!!!!!!!!
حسبي الله ونعم الوكيل ..
قرأت بعد ماشفت عدة رؤى ..كانت كلها تدل ع العين والحسد ..
الشيخ قال لي لااازم تغيرون غرفة النوم!!!!
النفس فيها ..!
والأفضل تطلعون من البيت .. !
تخيلي تقعدين طوووووول يومك في غرفتك طاااايحة اما تبكين ..او نايمة ماتقدرين حتى تصلين!!!!!!!
حسبي الله ونعم الوكيل.. انا شفتهم في منامي ..كل اللي دخلو بغرفتي!! .
ولا حتى اقدر آخذ من أثرهم ..

نصيحة ..
الناس ماااايعطون خير..
غرفتك لك وحدك ..ولا لأحد الحق يشوفه
لو ..حصل وغيرت البيت ماراح احد يشوف غرفتي حتى اخواااااااته ..!!!

ادعوا لي بالفرج ..!