مين يساعدني حياتي الزوجية في الانعاش

الفراغ خواتي رح يدمر حياتي
اقول لكم كيف :
جربت التدريس بالتعاقد وما ارتحت قلت من قاصرها احسن اجلس في البيت
الين تجي الوظيفة
اسكن بشقة ملك حلو واسعه بس عيبها في حي مااحد يزور احد
يعني لانها ملك ماقدر اغير المنطقة
انسانة رومنسية موت مااحب المشاكل او نقل الكلام او النميمة لكن العائلة اللي انا متزوجه منها اكثر حريمها كذا ان ماكانوا كلهم
يعني ما احب اختلط فيهم كثير
عيالي الله ايخليهم لسا صغار
عندي فراغ قاتل ........صديقاتي محدودات لانهم "نقاوه"
اطلع انا وزوجي دائما نغير جوا البيت لكن ما انحلت مشكلتي
الفراغ وراي وراي للحين ماقلت لكم كيف الفراغ ناوي علي نيه شينه
وين افرغ حرتي "صح في زوجي "
قاعده له :وين رحت ؟ليش تاخرت؟من كان معاك؟متى بترجع ؟
تاخرت عن موعدك 3دقايق!!!!!!
ومن هالقبيل اذا كان طالع او اذا رجع
اما ان كان جالس بالبيت :خلاص نوم تعال اجلس معي !
او سولف لي !
او ليش ما تضحك على نكتتي ؟!
اما المصيبة الحقيقية اللي احس انها وصلت علاقتنا للشك ودهورتها :
ليش حاط على هالقناة بالذات
او انت دائما تحب هالمناظر
او اشوفك مبقق عيونك فيها
او هي عاجبتك
مااقدر امسك نفسي من هالتعليقات اللي مالها داعي
احس اني صرت شكاكه مره من شدة الفراغ اللي عندي
بالرغم اني ما كنت كذا قبل
المشكلة زوجي انسان رائع وما ودي اخسرة
وما ودي اخرب حياتي بالتحقيق والشكوك اللي ما صرت انام الليل منها
حتى اني "ممكن يحذف اللي ابي اقوله اللحين اذا مو مسموح فيه "
حتى اني احيانا اخرب اللحظات الحميمة مع زوجي واقول في نفسي
"اكيد انو يتخيلني وحدة ثانية "يعني واحدة عاجبته !
جواله على طول افتشه "يعني اشيك عليه من فترة لفترة
اراقبه اش المواقع اللي ايحط عليهاوافتحها بعد ما يخلص
واللي زاد الطين بله جاب لي خادمة لانه يعتقد ان الظغوط اللي عندي من العيال واعباء البيت
ويقول يبيني اتفرغ له وانا طبعا ماقصرت
تفرغت له بس بطريقتي الخاصة يعني


"العن من اول":30:
محتاجتكم انصحوني ايش اسوي ؟؟؟؟؟؟:44:
كيف استفيد من الفراغ وفي نفس الوقت ما ادمر حياتي
مثلا.......انتم كيف تستفيدون من وقتكم؟
في الختام الله يسعدكم
ام عبووووووووودي:(