مين يساعدني ويفرح قلبي لوجه الله

هاي ، ها اول موضوع بشارك فيه في ها القسم لاني بصراحة ما بحس ها منتدى قد ما بحسو بيت العيلي ، بشكركن كتيييييييييير ومبسوطة كتير بوجودي معكن ، انا عندي سؤالين بصراحة اول واحد مؤتر على نفسيتي بشكل كبير ومقلل تقتي بنفسي لدرجة ما اوصفا ان شا الله ربي يبنيلكن بيت فالجنة سوا جاوبتو او ما جاوبتو وتاني واحد مش كتير ، بس لو لقيتلو الحل بكون مبسوطة الله يفرح قلوبكن .


السؤال الاول : انا عمري 25 سنة كانت بشرتي صافية متل السما ولونها حلو ، انا لوني برونز المههم لما صار عمري 12 سنة صرت بلاحظ سواد بنصف وجهي اليمين ، وما عرفت شو هوي بس ما اهتميت كتير ، كانو البنات بيسؤلوني بس ما عرفت ، بعدين عرفت انو كلف ، ها الموضوع كتييييييييييييييير زاعجني ، انا هلا متزوجي زوجي بيشوفني كتير بلا ميكب وبيقول اني حلوي بس انا نفسيتي محطمة كتير لانه جايني بميلي وحدي ، ما عرفت شو بدي اعمل ، اخيرا قلت بحط ها الموضوع هون وبشكيلكن حالتي الله يفرج همومكن ، يا ريت لاقي حل عندكن وتقلولي شو بدي اعمل تا اتخلص من ها الكلف ، اللي عنها كلف متلي وتعالجت منو او تعرف دوا ليه كرمال الله تساعدني .


السؤال الثاني : انا زوجي بيحبني كتير كتير ، بس اتناء المعاشرة الزوجية بتعبو لاني بخجل من شكل ....... الشفرين عندي لونهن غامق وزجي شافني وبقول انو بحبني متل ما انا ، بس انا حابي تكون عندي تقة اكبر بحالي وها التقة رح تكون عندي ازا عاجت ها المشكلتين .

مين بتساعدني وتكسب فيا اجر ن شكرا كتير .