مين يعلمني كيف انظف

اول شئ الله يبارك لك في بيتك وثاني شئ طبيعي الوحدة اول ماتتزوج تكون ما عندها خبرة خاصه اذ مااشتغلت في بيت أهلها ومع الأيام بتصيرين ربة بيت يضرب بها المثل ياحبيبتي المطبخ حطي فوق الدولاب قصدير طبقتين او طبقه عشان الغبار وكل بعد فترة ارمي قصدير وغيرية او حطي جرائد والسراميك لماتنظفية طفي مروحه عشان ماتطاير الغبار وتتعبي وكبي موية وديتول واشطفيها لأقرب فتحه تصريف وإذ استخدمتي ممسحه للسراميك خذي نوعية تنفك وتغسليها بالغسالة وكذا تتخلصين من السواد وحاولي تقفلي اي فتحه لوصغيرة عشان ما يدخل غبار استخدمي سيلكون يقفل الفتحات والحوش انصحكي زوجك يجيب عامل من برى كل بعد فترة يغسلة عشان ما ينكسر ظهرك اذ كبير ماشاءالله وأدوات النظافة معروفه أختي ديتول والعملاقة وكلورلكس مانستغني عنها استخدمها للمطبخ والسراميك والحمامات وتنظيف المغاسل والحمام الله يكرمك روحي محل أدوات منزلية فية فرش قوية أخذي لك فرشة وافركي المرحاض وحطي عملاق وكلورلكس راح ينظف والتسريحه والطاولات خذيلك بخاخ ملمع بخي وامسحي عادي لو بخاخ القزاز ينظف الخشب الله يوفقك في حياتك

حبيبتي انت ذكرتيني بنفسي اول ما تزوجت بس الحين الكل يضرب المثل بنظافة بيتي .... الشغله كلها تنظيم
1.الحمامات: افضل خلطه ( العملاق + كلوركس) و انتبهي و البسي قفازات و انتي تنظفي عشان ايدك ما تنعدم
كل يوم قبل ما تنامي سوي الخلطه هادي و بليفه الخشنه نظفي المغسله و البانيو و الارضيه و المقعد الله يكرمك و لا تسحبي الخلطه من المقعد خليها لحد تاني يوم يخلي المقعد يلق.. اشطفي و خدي شور و نامي كدا حمامك على طول نظيف و لما يدخل زوجك الحمام الصباح نفسو تنفتح....... و اذا عندك حمامات خارجيه للضيوف ما يحتاج كل يوم تنظفيها

2.: المطبخ : اول باول غسلي مواعينك لا تخليها تتراكم ترتاحي نظفي الاسطح و البتجاز بعد ما تخلصي غداكي و الارضيه مره واحده في اليوم.....مره واحده بلاسبوع لمعي الدواليب و رتبيها

ارضيات المنزل: حبيتي حتى لو سيراميك استعملي المكنسه الكربائيه بدل ما تراكضي ورا الغبار...تشفط كل الغبار...بعدين شويه مويه و كلوركس او ديتول و اذا ارضيتك تبقع المويه حطي مويه و شويه بليدج حق الارضيات يعطي لمعه و ريحه حلوه....التعزيل و تحريك الاثاث مره في السبوع يكفي ما راح يتركم عليها الغبار كدا
و بعد ما تخلصي انقعي ممسحتك بشويه كلوركس و مويه ساعتين كدا بعدين ارفعيها و خليها تنشف ..عشان تفضل بيضا على طول و ما تسوي ريحه

تلميع الاثاث: بليدج ملمع الخشب ما في بعده يعطي لمعه حلوه للاتاث كل يوم قبل ما تكنسي نزلي الغبره الي على الطاولات و امسحيها ... و الغرف المسكره كل يومين

غرفه النوم : اول ما تصحي حتى قبل ما تدخلي الحمام لازم ترتبي فرشتك عشان اي وقت يطب زوجك يلاقي فرشته مرتبه

خلصتي بخري بيتك و عطريه سكري الغرف الغير مستعمله......عاد و انتي و شطارتك شموع... بخاخات اثاث... اضءات خافته

خلي عندك يوم بالسبوع سميه يوم الكرف للنضافه الي من قلب كل شي قلت لك عليه مره بلاسبوع جمعيه في يوم واحد و ممكن تجيبي وحده بليوميه تساعدك في هدا اليوم

بللنسبه للحوش اكيد ما انصحك تنظفيه انتي جيبي عامل مرتين في الاسبوع يكنسه و يمسحه

ان شا لله اكون افدك يا عمري

]كفيتوا ووفيتوا اخواتي وانا برضو استفدت في ميزان حسناتكم ي رب

الله يعينك والاخوات كفو ووفو بس اهم شي لاتنامي الا وبيتك نظظيف ترتااحي والله قبل لاتنامي شيكي عليه