مين ينزل معاها افرازات بنيه من أول الحمل؟

السلام عليكم

أهلين بنات

حبيت اسأل اللي عندهم خبرة عن الافرازات البنية وقت الحمل

هل ممكن تسبب اجهاض وهل لازم الوحدة تلزم الراحة؟

انا في بداية حملي أول شس شفت نقط دم كنت اظن انها الدورة بعدين وقفت شوي فشكيت وحللت وطلعت حامل الحمد لله (انا بكرية)

بعدها استمر معي افرازات بنية واحيانا تصير على وردي ومرتين كانت حمرا مثل الدم

الدكتورة كتبت لي حبوب مثبته وقالت لي ارتاحي لا تركبين سيارة ولا تطلعين درج

بعدها رحت لدكتور لأنه محتاجة اجازة مرضية والعيادة اللي اراجع عندها ما يعطون اجازة
فرحت مستشفي حكومي ومن حظي طلع عند دكتور بس قلت يلا دام معي زوجي
المهم قال لي انتي وضعك سليم وهذي الافرازات طبيعية تصير عند 25 % من النساء
والدراسات العلمية ما اثبتت انه الراحة تصلح لحالتك
المهم قلت له يعني ما يحتاج اخذ اجازة قال لا وحاول فيه زوجي وقال له يا دكتور حنا نلاحظ اذا ارتاحت وقف الافرازات كم يوم ولما طلعت من البيت وركبت السيارة رجعت
قال لا ابدا وما ادري ايش
المهم اصر عليه زوجي راح دق الدكتور على طبيب يبدو انه اعلى منه وقاله كذا كذا الوضع فقال اعطيها اجازة اسبوعين

المهم انا الحين ابي اعرف هل كلامه صحيح والا لا؟
ومين قد مرت بالتجربة هذي؟

وحدة من زميلاتي عندها 3 اطفال ما شاء الله نقول في كل حملاتي يصير معي كذا
الاول تقول لانه اول واحد خايفين فقالوا لها الزمي الراحة
بس بعد كذا حملاتها الثانية تقول صرت اروح واجي عادي

طولت عليكم بس من جد محتاجة اسمع من اللي قد مروا بالشي هذا

ومشكورين مقدما