مين يوم الشوفة مارتاحت لزوجها وبعين اعرفت انها غلطانة

مافهمت عليك

ياختي الناس تختلف عن بعض بس بقولك شي اول شي استخيري استخيري وتصدقي بنية ان كان فيه خير ربي يجيبه وان كان فيه شر ربي يبعده وثاني شي يما ناس تشوفيهم وماترتاحي لهم وبعدين يطلعون اطيب خلق الله وياما ناس تشوفيهم ترتاحين وبعد العشره تتطلع البلاوي مالك الا دعاء والله يعلم الخافي

انا يوم الشوفة ما ارتحت الى زوجي ابدا كنت احس بشعور غريب وماكنت اقدر اقول اني مرتاحة منه

بس اهلي وخصوصا اخواني مدحوه لي وايد ويقولون احنا ما يحتاج نسأل عنه لان نعرفه زين

والكل يمدح فيه حتى الحرمة الي قالت له عني تقول حق امي لو عندي بنت زوجتها اياه


وبعدين الحمدلله طلع قد المدح ما شاء الله اخلاق وادب بس الاشياء الي ما ارتحت له فيها طلعت صحيحة

يعني في الشوفة حسيته مو مهتم لي وايد ولا ابتسم لي ولا كلمني ممكن ان هذي الامور اهي الي خلتني مارتاح مدري

وحاليا بعد 3 سنين زواج احس اهتمامه فيني مو ذاك الزود بس هو يقول انه يهتم

انت استخيري مرة واثنين وثلاث 000 واسالوا برضو عنه زيادة
خاصة انكم كلكم مو مرتاحين
وبالنسبه لي زوجي الكل مدحه وحتى اهلي بس انا ماكنت مرتاحه له مره حتى ايام الملكة
وكنت بتهور وافض الزواجه كلها بس ربي رحمني والحمد لله مع العشرة حسيت الامور افضل بكثير يارب لك الحمد
وبعد ما اخفيك اني سبق دخلت على شخص للشوفة الشرعيه بس والله جتني حاله بكاء
كرهته وكرهت الزواج وقلت لهلي انا مابيه 000 وكنت مستخيرة كثير
سبحان الله كان رفضي له ماله سبب بس اني ابدا مارتحت
وراح في سبيله الله يستر عليه وجمعني ربي بزوجي الله يسخره لي ويسخرني له

اخواتي جزاكم الله خير جميعا
واتمنى من المتزوجات يعطونا تجاربهم