مييين اولى البنت ولا الولد 00تصويت00

السلام عليكم
اختى اعتقد ما فى فرق بين البنت والولد بس هناك حدود فى التربيه يعنى البنت عليها مراقبه اكثر من الولد كون احنا تحكمنا العادات والتقاليد والبنت عادى تدرس وتعمل يعنى لها حقوق وعليها واجبات مثل الولد باضبط وانا الصراحه ابوى الله يرحمه ما كان يفرق بيننا يعنى المصروف واحد والوانسه وحده مايخلى البنات ويأخذ الصبيان بل كلنا نروح جميع وحنا البنات كانت طلبتنا مجابه بس بحدود بدون مبالغه

بالنسبه لي لاني تربيت مع شباب وانا البنت الوحيده كانت الامور متساويه وبالعكس يمكن انااخذت اكثر من حقي بالدراسه بحكم اني لازم اكمل كوني بنت عشان محد ضامن مستقبل البنت مع الزوج ولازم البنت تمسك بايدها امور وايد تعينها على المجتمع الرجولي اللي احنا فيه حتى بشغلي ارجع متاخره البيت بسبب شغلي شفتات وحمدالله اهلي متفهمين وايد خصوصا الوالد واخواني لانهم واثقين مني لاخر درجه والحمدالله يعتمد على مدى تفتح عقلية الاب وبعدين اكيد الاخوان لانه التربيه غرست هالشي فيهم دام اني ماشيه صح وعارفه حدودي كبنت في المجتمع بالتالي حقوقي ماراح تنهضم من اهلي