ميييييييييييييين تساااااعدني بالمطبخ

اذا قصدك صور تصاميم والله افضل انك تاخذي ثلاث او اربع ورقات ع قد الجدران الي بتسوي فيها الدولاب وتشوفي انتي ايش تبغي وايش احتياجاتك 
اذا تبغي تجربتي
دخلت ع قوقل وجمعت صور كثييييره وخليتها قدامي  واقتبست من كل صوره شي انا ابغاه واحتاجه 
مثلا دروج للصواني ومكانها
زاويه وحده او زاويتين احتاج
شكل الدولاب العلوي في كل جهه من المطبخ اذا تحبيها نفس الشكل او مختلفه
ومكان الفرن والبتقاز والميكرويف  
مكان الترولي
مكان شبك البصل والبطاطا
مكان الدروج
وصورت مطبخي واشوف كل شي اضفته من الصور واحدد مكانه في صورة مطبخي 

واخيرا اخذت ثلاث ورقات وصممت الشكل الي ابغاه الجزء العلوي والسفلي كامل ...
وارسلناها للمحل بالواتس وسوى لنا التصميم ع الكمبيوتر وعدلنا معاه في الابواب المغلقه والمفتوحه 

بالنسبه للشكل الخارجي يعني الالوان نصيحه لاتعتمدي ع صور النت ابدا انا كان في بالي سكري وتفاحي وللاسف في المحل الالوان مختلفه تماما عن النت وريحت نفسي اخترت الابواب خشب حليبي  ساده   والرخام بني فاتح منقط باسود ...
دعواتك يطلع زي ماتخيلته ....

موفقه