السلام عليكم ورحمه الله وبركآته
يآزين الدنيـآ لمآ نفهمهآ صح <<~ برآآآ
وأح ـلآ أوقآتنآ نقضيهآ بـ الصْلآة وذكر اللـه ..
وأحيـآنآ يحصل لنآ كم موقف .., سوآء مننـآ .., أو من اللي حولنــا يصلون
وكـ نوع من الدعآبه << يمديتس ع اللغه هع
نبي نطرحهآ هينـآ نوسع صدورنآ شوي ونعيد الميموري ( الذآكرهـ ) إلآ سآبق عهدهآ .. هع
وكـ العآدهـ لآزم تبدأ صآحبه الموضوعَ ~
مرتن من المرآرير >> توهـ قريب هالموقف ..
أختي بـصف أول أبتدآئي .. الموهيم يوم جت صلآه العشـآء يقآل أني أبي أعودهـآ وأربيهآ على حب الصلآهـ مير أفز من مكآني وأقول كلمتي المعهودهـ ~ يالله مشينـآآآ << كـ نوع من التحميس << تحميس وشششو
قهوهـ صآرت هع ..الموهيم قلت يالله نبي نصلي .. وأنآ أخذهم معي وندخل الحمآم الله يكرمكم سوآء <<< بدون تشفير لحد يفهم غلط هع .. بس المغسله دآخل الحمآم ..
وحنآ نروح نصلي .. أنآ بديت وتعمقت بالصلآهـ .., شوي وأنآ خآشه جوو إلآ أسمع بصوت جهوري لكم أن تتخيلو ( قل هوووووووو اللــــــــــه أحــــد .. اللـــــــــــه الصمــــــــد )
وتقعد ترآكع مدري وشلون .., قسم ذكرتني بـ مذهب من المذآهب عليهم حركآت نص كم بالصلآهـ ..
عسى ربي يهديهم خخخخخخعجزت أصلي .. قمت أفطس ضح ـك وهي مير ولآ هآمه وتسآبق الريح بـ المرآكع خخخخخ ..
يآهوو خفيي السرعه شوي .., بس محد معطينن وجه ..
الزبدهـ أني مآلحقت أعد كم ركعه خخخخخخخ من كثرهم
ولآ يوم جت تسلم .., وهي تقعد تطقطق برآسه تقل دجآجه ههههههه وتفز .. والطآمه الكبـرى .. خخخخخخخخخ أنه كآنت نـآويه تصلي النـآفله ..
والله عقب ذآ الصلاه مـآظنتي في نآفله خخخخخخخخ
يآبعد قلبي رآكعت لين تصآفقن رجوله ..
الموقف الثآني .. مع نفـس الإخت .., قآعدهـ أسمّع لهآ ( قل هو الله أحد ..)
<< لآ تقولون وش الرآبط بين قل هو الله احد والصلآهـ خخخخخخخ
الرآبط العجيب أننـآ لآ صلينـآ لآزم نقرأ قرآن .. والقرآن فيه سور .. ووحدهـ من هالسور هي ( قل هو الله أحد )
الموهيم .. قآعدهـ أقوله وهي تردد ورآي .. ( قل هو الله أحد ..)
ترد : هو الله أحد
انـآ : يآمرهـ مهوب تسسذآ قولي ( قل هو الله أحد ..)
ترد : وأنآ وش أقول ..هو الله أحد ..
<< أنآ بيني وبينكم مشيتهآ لأني كنت معصبه خخخ أنتقلت لـ سوره ثآنيه
أنـآ : ( قل أعوذ برب النـاس )
ترد : أعوذ برب النـآس ..
أنـآ : يآآآهووو قل تجي معآهآ ..
ترد : أنت أكيد تبين أبله خلود تزعل علي .., لآزم أحفظ السوره زين .. لآ تلخبطينن ..
أنـا : أخسسس يآبنت من اللي يلخبط هالحين .. هع
الموهيم قعدت طول هكآ الليله وأنـآ ... ( قل هو الله أحد ..) وهي مدري وش بلآهـ تنحت مآتبي تقول ( قل ) تحسبني أقصدهآ هي تقول خخخخخخ ..
الموقف الثآلث .., عقب مآتبت لله .. يآعسى يقبل توبتي ..أدعولي .. أنآ قبل مآكنت أصلي الفجر بـ وقته .. تطلع الشمس وأنآ للحين منصفرهـ بـ فرآشي ومتكومه بـ دوشقي ..
الموهيم .., في يومٍ من الأيآم سمعت أنه اللي تفوته صلآة الفجر يبول بـ أذنه الشيطآن .., قلت يخسى ويهبى مآعآد إلآ هي ..خخخخخخ
وأنـآ أجي هكآ اليوم وأوقت سآعتي .. وجوآل أختي وأنـآ أستعد لـ اللحظه الحآسمه هع ~
مآ أمدآه المؤذن يقول ( ااااا ) إلآ وأنـآ فآزهـ من سريري وأنآ أروح أتوضـأ .., وأنـآ أسنتر عند غرفه أبوي يقآل مستحيه أقعدهم لـ الصلآهـ <<< شفتوآ الشيطآن وش يسوي .. خخخخخخخ
الموهيم وأنآ ألملم شتآت قوتي وأطق البآب .. مرتن .., ومرهـ .., ثم أخرى << فديت اللغه يآنـآس خخخخخخخ
وهو يطلع لي بييّ ( أبوي ) قلت يبه قم صل .. قآل : الله يجزآتس الجنه ويكثر من أمثآلتس ويصلحتس يآبعد حيي .. ,, ورآح يتوضــأ..
أنآ كني أستـآنست على دعآويه .. قلت بآقي الثنآئي المرح .. خخخخخ خييّ وعميّ اللي متكومين بـ الغرفه كلن مجحرن أصبع رجلوهـ بـ خشم الثآني خخخخخخ ..
رحت يمه وأقعد أويدز بالغرفه .., وخ ـآيفه من ردة فعلهم
قلت : فلآن .., فلآن ..., فلآن يمل العرررس قم صل ..
مآحسيت إلآ وآحد يطآلعني بـ نص جفن خخخخ , قآل : خييير .., طييير , وش تبين .., من مرسلتس .., ووش نيتكم .., وش نوع سيآرتتس ...؟
قلت : هآهـ خلني أســأل صديق ..
~
قآم فز من دوشوقه وهو يآخذ حزآم بدلتوهـ يبي يضربن خخخ <<< عسكري ..
وأنآ أركض وأركض وأركض حتى وقت من طولي
إلآ هذآ أبــوي .., أشوآ جآء وتولآهم .. وطردهم وخلآم يصلون غصب خخخخخ << ونآسه فزت <<<<~ حشى لعبه
يوم رجعوآ بغى يمردغ أخوي .., يقول : وش عندتس تقعديننـآ لـ صلآة الفجر مهوب عوآيدتس ..؟
ومرت هكـآآ الفجريه بـ سلآم << أحلفي هع
عآد يآكثر موآقفي بس خلونن أتذكر وأسدحهن ..
بالله أسدح ـوآ موآقفكم أبي أضحكـ <<~ بآردة وجــه
ويمحلا الصغار ومواقفهم