م قدرت اخشع ف صلاتي ولا ف قراني .. والسبب ..

السلام عليكم ..
بنات تكفون ساعدوني الله يوفقكم ..
بنات انا مالي غيركم بعد الله ارجع له .. لان احس موضوعي جدا حساس ..
بنات انا صار لي سنه وخمسه شهور من زواجي .. المهم يا بنات ان زوجي رجل ملتزم احسبه كذلك والله حسيبه كع ان احيانا احس انه فاهم الدين غاط احتار مع تصرفاته ..
يابنات هو فاتح قروبات دعويه ف الواتس اب خاص للرجال وخاص للنساء .. انا هذا الشي عاجبني وفي نفس الوقت منرفزني .. في وحده من قروبات النساء احس انها منكده علي عيشتي حسبي الله عليها .. تخيلوا من بداية زواجي كان زوجي عااادي جدا اخذ جوالاته واراسل اخواني يعني معطيني الضوء الاخضر .. مع الايام بديت اتحسس من رسايل الحرمه هذي واشوف محادثاتها كانها تمون على زوجي .. المهم م اهتميت هي استشارت زوجي انها تفتح قروب حفظ القران وانها بتخلي المشاركات ف القروب يسجلو فيه زوجي وافق وقال خلاص كملي معاهم وانا بحذف نفسي من القروب قامت تقول لزوجي لا لاتحذف نفسك خلك موجود بس لاترسل فيه شب وزوجي وافق .. المهم بعد فتره قال خلاص انتي اشرفي على القروبات من رقمه لان انا مانعني من كل وسائل التواصل والدردشه .. يعني محلله على نفسه ومحرمه علي .. المهم زوجي قال اشرفي ع القروب وعلمي الحريم انك من اليوم انتي تشرفين عليه وعلمتهم وكلهم رحبوا فيني ويدعون لي الا هذي دخلت علي خاص تقول انت اللي ارسلت الكلاك اللي ف القروب انا قلت ايه هي تحسب ان الجوال مع زوجي قامت على طول ارسلت فيس مضحك وقامت تكتب رساله انا سبقتها قلت انا فلانه وبشرف ع القروب شفت ردة فعلهاااا بارد وتقعد تمدح ف زوجي ف القروب وتبغى زوجي يرجع يشرف ع القروب .. قبل هذي السالفه قرات لها محادثه ف قروب النساء كرهتها استحقرتها .. تخيلو دخلت وحده مسكينه تبغى تستشير البنات ع موصوع يخص النساء بس قبل م تفتح الموضوع سألت قالت بنات في معنا رجال ف القروب لان عندي سؤال يخصني .. قالت هذي لا مافي رجال وهي تعرف ان زوجي موجود .. قامت المسكينه تطرح موضوعها عن الدوره اتوقع او الحمل م اذكر ب الضبط المهم انه موضوع حريم وانا اللي قرات المحادثه وشوي ارسلت ع الخاص فيسات القرد المنحرج وتقول لاتقراء المواضيع لانه نسائي بحت عاد م ادري زوجي قراه والا لا .. المهم انا تهاوشت مع زوجي بسبة هذي وقلت احذف قروبات الحريم والله م اسامحك وقعدت ادعي عليها هو يقول لاتدعين الدعوه ترجع لك يقول هذي وحده خاتمه القران وزوجها داعيه وما ادري ايش قلت حافظه لنفسها وجعل القران يصير حجه عليها يوم القيامه وزوجي عصب وقال لاتلمسين الجوال ثاني مره .. وبعده ب فتره سبحان الله طاح الجوال ف يدي واقراء رسالتها زوجي حاذفها كاتبه حسيت بخوف بعد ماكلمتك انا انقهرت اخذت رقمها قلت لزوجي تشوف وش بسوي فيها قال يا ويلك لو تكلمينها ومره قريت لها رساله تقول ممكن اتصل .. واحيانا يطيح الجوال ف يدي وربي ب الصدفه ادخل واتس القى رساله منها دعوه او اي كلام وحاولت اني اطنش وخلاص ماعاد افتش وانسى استشرت وحده قالت قولي اللهم من اراد بي سوءا ف اشغله في نفسه اللهم اكفنيها بما شئت تخيلوا ي بنات اني كررت هالدعوه ويوم طاح الجوال ف يدي دخلت القروب الا الكل يسال عنها يقولون وينها مختفيه ما ادري جوالها خرب او م ادري وش صار عليها .. بعد فتره رجعت انا طنششششت وما اهتميت ومشيت حياتي .. المهم هالايام جوالي خربان وانا حامل ومخلي جواله عندي عشان اذا احتجته ف شي اتصل .. المهم وقال مكالمات وبس لاتدخلين شئ ثاني قلت طيب .. وانا والله معاي الجوال يومين ومافكرت ادخل الواتس والرسايل تجي ورى بعض المهم امس والله الشهاد اني كنت ماسكه الجوال وفجاءه كنت مستعجله م ادري كنت بصل او اسجل رقم بالغلط دخل الواتس لقيت منها رسالتين بس وربي مادخلت ع المحادثه بس قريت الظاهر ع الشاشه كاتبه ممكن ارسلك شئ قلت ادخل م ادخل ومادخلت .. وطلعت من الواتس قلت بسوي نفسي ماصار شي .. المهم بعدها حسيت بقهههههر قلت والله باخذ رقمها وبهزئها مافي غير هالحل من فتره كلمت اخته ب الموضوع وشفت ردة فعلها باااارده .. المهم يابنات انا من امس ادعي عليها حتى ف سجودي امس جاء زوجي من برى قلت انا بروح عند اهلي قلت بروح هناك وبتراسل معاها من اي رقم بس م ادري كيف ابداء معاها عشان م توصل لزوجي .. والشي الثاني اني طفششششششششششششت من روتيني الممل طبخ واكل ونوم وجالسه 24 ساعه ف غرفه لوحدي وساكنه مع اهل زوجي ماعندي الا غرفه وحده لاتلفزيون ولا جوال ولا نت ولاوسيلة تواصل ولاطلعات كل يومي نفس بعض ومليون مره ناقشت زوحي مطنش م ادري وش مصبرني وفوق كل هذا اشوف هالعله منكده علي هالمره بوقفها عند حدها بس علموني الله يوفقكم كيف اتناقش معها لان ودي والله اول م اكلمها ادعي عليها واتهاوش معاها وربي قاهرتني الله يشغلها ف نفسها .. اتمنى الله تقراء موضوعي تدعي لي لو ب ظهر الغيب تكفون لاتبخلون علي بنصايحكم . .