اختي مشكورة

ليش مارديتي علي

Hi بنات :)

وزنه 22, الله يسلمج حبيبتي, وشكراً على رايج الحلو في كلامي وياكم ونصايحي, وأنا متأكده إن وايد في بنات أحسن مني مشاركات وغير مشاركات بحواء ويعرفون أحسن مني .. وحبيبتي ,أنا مو مطنشه, بس أمس كنت وايد تعبانه ومريضه, صايدني فيروس (زكام وكحه وسخونه) وما أقدر أجلس أجابل الكمبيوتر(عيوني تحرني) بس اليوم الحمد لله شوي صرت أشوه وبرد عليج ولاااااااااااااااااااااا تزعلين.. بس نطري أسلم على ساره..

Hi ساره.. إشلونج.. والعفو حبيبتي...:26:

إختي وزنه...

شوفي هالبرنامج , وإذا تبين نتيجه حلوه , إمشي عليه عدل , وبعدين ردي علي علشان إنعرف إشصار معاج, OK؟؟

البرنامج مدته 3 شهور, لازم خلالهه نوقف كل شي مضر و كيماوي ( صبغ, )إستشوار إلا للضروره القصوى)ريلاكس ...), وإنشاء الله من الإسبوع الأول راح تلاحظين الفرق, ومن الشهر الأول راح
تكون النتيجه عجيبه, وفي مدة 3 شهور راح تكون النتيجه أكثر من رائعه..

الأشياء اللي راح نستخدمهه في الثلاث شهور: زيت أملا, كريم الهيمالايا, حنه,كتم..

الشهر الأول.

الإسبوع الأول:

1- السبت:
(فنجان زيت أملا+ بيضه+ كم قطرة ليمون) تخلط مع بعض, وتوضع على الشعر مع التدليك, تغطى بنايلون لمدة ساعه, بعدهه نشيل الغطه , ونترك الشعر لمدة ساعه ثانيه, وبعدهه نغسل الشعر بالشامبو, وأنا أفضل شامبو Mane'n tail, وإذا ما حصلتيه, إستخدمي شامبو من مكوناته البيض, ولا تستخدمين بلسم, لأنه يسبب التساقط , وأنا ما أستخدمه إلا إذا حطيت الحنه أو السدر..

لما تخلصين , وشعرج للحين رطب, مسحيه بكميه قليله من كريم الهيمالايا, وقبل لا ينشف , نسليه, وربطيه بآستيك, ولفيه مثل الكبابه, ومن جدام لبسي إشارب وربطيه ( علشان العفاريت تقعد) وبالليل , فتحي شعرج و خليه يتهوى وقبل النوم ردي لفيه بنفس الطريقه.

2- الأحد: راحه.

3- الأثنين = السبت.

4-الثلاثاء: راحه.

5-الأربعاء = السبت, وعجني الحنه: على حسب طول شعرج (قصير 3 ملاعق, طويل 6 ملاعق) وعجنيهم في ( 4 أكواب ماء + ملعقة حلبه + ملعقة شاي أسود+ ملعقة ليمون أسود+ قبضة يد مراميه+ قبضة يد زعتر) صبي الماي بعد ما يفتر, وعجني الحنه فيه, سخني الماي الأول , عجنيه غطيهه وخليهه بالشمس. وخليهه ليوم الجمعه.

6-الخميس: راحه

7-الجمعه: حطي خلطة الحنه, وغطيهه بنايلون, وخليهه ساعتين, وقبل لا تغسلين شعرج بنص ساعه , برزي الخلطه هذي: على حسب طول شعرج (قصير 3 ملاعق, طويل 6 ملاعق) كتم + روبه.

لما تغسلين شعرج من الحنه, وغسليه بماي بدون شامبو, ومسحيه ببلسم علشان ينظف عدل من الحنه, نشفيه بالفوطه, وحطي خلطة الكتم, ولفيه بنايلون, وخلليهه بعد ساعتين, ولما تغسلين شعرج, حطي شامبو مره وحده بس.. لما تخلصين , وشعرج للحين رطب, مسحيه بكميه قليله من كريم الهيمالايا, وقبل لا ينشف , نسليه, وربطيه بآستيك, ولفيه مثل الكبابه, ومن جدام لبسي إشارب وربطيه.

الإسبوع الثاني:

1-السبت = سبت الإسبوع الأول.

2-الأحد و الأثنين: راحه.

3-الثلاثاء= السبت.

4- الأربعاء و الخميس راحه, ويوم الأربعاء, جهزي خلطة الحنه.

5- الجمعه = جمعة الإسبوع الأول.

الإسبوع الثالث و الإسبوع الرابع = الإسبوع الثاني

الشهر الثاني والثالث , نفس الشهر الثاني, مع إختلاف واحد, وهو أن الحنه و الكتم يصيرون مرتين بالشهر...


حاولي كثر ما تقدرين تمشين على هالبرنامج, والله ينعم على الجميع شعر حلو صحي, طويل أسووووود ولاااااااامع...

وخبريني بالنتيجه... :26:


مع تحياتي للجميع..:)

:)

مبروووك على الشعر الجديد

يسلمووووووووووووووووووو