هاي بنات:) ... خواتي..

1- تاليا.. كتبت لج البرنامج في الموضوع الثاني...

2- سمارت محامية..إختي.. أنا الشيقور ما إستخدمته.. ووصفة زيت الخردل مع الحنة تكثف الشعر مع المواظبة , أصلاً أكثر الفايده للشعر تجي من الحنه... وإن شاء الله ما يضر, وخاصه إذا كان كل شي طبيعي...

3- ملاك الخير... شكراً حبيبتي على كلامج الحلو...البراشوت والبيض جداً مفيد للشعر من ناحية الغلظ والقوة والطول إن شاء الله, بس أهم شي المواظبه..


4- ترانيم.. الحنه لما تعجنينهه صح ما راح تضر إن شاء الله, بعدين إختي, لما نا أشوف شعري إنه تعالج و صار أحسن , ما أستخدم الحنه إلا مره أو مرتين بالشهر, هذا على حسب حاجة الشعر للعلاج.. أول 3 شهور يكون 4 مرات بالشهر, لين أشوف إن الشعر إستفاد, بعدين أقلل, بس يكون عالأقل مرتين بالشهر...

5- Nargess, العفو عزيزتي... بكره إن شاء الله راح أكتب لج برنامج خفيف تستفيدين منه إن شاء الله, بس ما حبيت أطلع من الموضوع اليوم إلا و أسلم عالبنات كلهم...

باي ألحين..:26:

جربتها بس ما نشف شعري ولا تخشب مع اني سخنت الزيت وصبيته على الحنا 3 ملاعق حنا

ياترى في شي غلط وحطيته دافي على شعري ولفيته

هلا بالبنات كلكم..:)

إختي هواجس.. طريقتج عدله ما فيهه شي... بس إشصار بشعرج, بعد ما غسلتيه حسيتي بتغيير؟؟

إختي Nargess, تقدرين تستخدمين الجدول اللي أنا إتبعته وذكرته في بداية الموضوع, بس بدل ما تستخدمين زيت أملا, إستخدمي زيت هيمالايا, لأنه واااايد زين, وعند الإستخدام كسري عليه بيضه, بس لا تضيفين ليمون, ونهاية الإسبوع إستخدمي حنه. وراح نستخدم بعد كريم هيمالايا اللي بالبروتين أو زيت كريم الجنسنج , يجيبمعصاره شفافه وفيه نبتت الجنسنج, حطي بالج, تراه زيت , مو تونيك أو سيرم.
يعني ندامو على واحد منهم..

يعني البرنامج بيكون كالتالي:

1- السبت : بللي شعرج و نشفيه, وهو للحين رطب, إخذي فنجان من زيت هيمالايا, وكسري فيه بيضه, خلطيه عدل ووزعيه بشعرج مع التدليك, غطيه بنايلون لمدة ساعه, وبعدين شيلي النايلون , وخليه ساعه إضافيه, وغسليه بعدهه بشامبو فقط بدون بلسم.. وهو شوي رطب, مسحيه بكريم جنسنج, أو بكريم الهيمالايا..

2- الأحد : راحه. مع مسحه من كريم جنسج أو الهيمالايا.

3- الأثنين = السبت.

5- الثلاثاء = الأحد

الأربعاء = السبت, وعجني حنه, وهذي مقاديرهه..

3 أكواب ماء ,وحطي فيه: فنجان حلبه , ملعقة قهوه بدون هيل, قبضة يد مراميه ورق, قبضة يد زعتر ورق. وإذا تبين لون :بني حطي نسكافيه, أحمر حطي شاي أحمر, أحمر غامج على ماروني, حطي كركديه وملعقة لومي أسود مطحون. خليه يفوح عدل لين يصير الماء قياسه 2 كوب, بعدين صفي الماي.

عجني 7 ملاعق أكل حنه في الماي. وغطيه, وخلي الخليط يتعرض للشمس.

الخميس : راحه.

الجمعه: الحنه,غطيه بنايلون وبعدين إشارب , ولين ييتي تغسلين شعرج بعد ساعتين, غسليه بماء فقط بدون شامبوه, ومسحيه مسحه خفيفه بالبلسم, علشان يتفكك.

والإسبوع الثاني والثالث والرابع مثل الأول..

من الشهر الثاني, لا تحطين بيض في الدهن, والدهن بيصير يوم و يومين راحه, والحنه مرتين بالشهر.

الشهر الثالث , نفس الشهر الثاني, بس بيكون الحنه مره بالشهر..

داومي على الزيت, تراه يعطي حيويه وليونه بالشعر, ومع الوكت راح ينعمه ويطوله ( من تجربه صدقيني) وريحته حلوه وما تنفر..

وبعدين شوفي شعرج وشحلاته وخبرينا..

باي يا حلوات..:)

عزيزتي انا من قبل كل اسبوع احط حنه وشغلات غيرت شعري بشكل رهيب وولما حطيت خلطتك نمت فيها يعني تمت يمكن 4 ساعات وغسلتها عطتني نفس نتيجه نعومه ولمعه ان شاء الله يزيد نعومه وطول وما قصرتي وباستمر عليها لين شهر 4 وبدعي لك دوم ما قصرتي

بس كاس الزيت اي حجم يا ليت تحددين لي الغاليه

يعطيج الف عافية اختي ان شاء الله راح ابتدي بالبرنامج بس اشتري الزيوت وان تحسن شعري وكثف وطال لأدعيلج بالحرم بالعشر الاواخر من رمضان لما أعتمران شاء الله شعري يفشل وايد انا الوحيدة من بين خواتي اللي شعري خفيف وقصير