جزاك الله خير

السلام عليكم كييييييلكم...:) شخباركم ياحلوات.. ومشكورات لى الدعوات الحلوه مثلكم, وsorry < توني أرد عليكم, لأني برمضان ما أدخل على النت إلا نادر..

1-إختي الفل و الياسمين, بالنسبه لزيت الناريل.. أنا إستخدمت النوعين, والإثنين زينين بس برشوت بالنسبه لي كان الأقضل, حتى ريحته أحلى, وإستفدت ولاحظت يوم كنت أستخدمه إن اللمعة ما إختفت من شعري , والشعر يطول عليه ويبين كلش صحي. أنصحج به, وما عليج شر يالغالية...

2- إختي سر من أسراري...زيت حبة البركه مفيد جداً, وخاصه للي يعانون من القشره, وصفته مره لإختي, ووايد إستفادة منه... إلى جانب إستخدامهه لشامبوهات طبية ضد القشره . ولاحضنا كل خواتي لمعة شعرهه وصحته وعافيته إللي رجعت له..

تبين حنه حمره.. أول شي إستخدمي الحنه اليمنيه أو حنه المدينه, لأنهه تصبغ بالشعر...

مقادير الخلطه...

1- 7 ملاعق أكل حنه.

4 أكواب ماء مغلي,مضاف له : قبضة يد كركديه, كيسين شاي أحمر, قبضة يد زعتر ورق, ملعقة أكل حلبه حصى, تغلينهم مع بعض, لما يتركز اللون, نصفيه ونعجن الحنه في الماي الدافي, تغطينه بنايلون من الليل, وخليه بمكان تجيه الشمس.. وثاني يوم حطيه بشعرج لمدة ساعتين, غسليه بماء وبلسم خفيف لفك التشابك. بدون شامبو, وبعدين لما شعرج ينشف شوي , زيتيه بزيت خفيف, لأن بنخليه لثاني يوم, وثاني يوم الصبح غسليه بشامبو, بدون بلسم... وإن شاء الله اللون الأحمر و اللمعه تعجبج...

3- إختي يا قساوة قلبهم..الدراسه والمحاتاه سبب من أسباب سقوط الشعر وجفافه...والعلاج إن شاء الله إن نحاول نريح نفسيتنا وما نحاتي وايد (أدري إن صعب) بس نحاول, شوفي هذي النصيحه ولا تستغربين منهه, عليج بشاي البقدونس, أو شاي البابونج, والشاي الأخضر, وحاولي تقللين من الcoffee, والشاي الأسود أو الأحمر إذا كنتي من عشاقهم.. الشايات إللي ذكرتهه بالبدايه, إلى جانب إنهه تسبب هدوء للأعصاب وراحة نفسيه ملحوظه, فهي مفيده جداً للجسم بوجه عام, وللبشرة و الشعر بوجه خاص..( وهذا من تجربتي الشخصية) وخاصة للي يعانون من أرق وقلة نوم... أشربي كوب الظهر, وكوب قبل النوم... تراه جداً جداً مفيد.. والعلاج الثاني للشعر, هو إعتمادي الكلي على الزيوت و الحنه للشعر...


باي يا حلوات..:)



:)

مشكوريييييييييييييين

مشكورة

مشكورةاختي وبارك الله لك في شعرك