ناجيت .. بس على كيفي ..

السلام عليكم ورحمة الله وبركاته ..

حيا الله الطباخات ..
ما شاء الله عليكم وش هالفن و هالإبداع ..

طبعا لأني غشيت منكم كم طبق أسويها للغداء اليوم بأحط لكم طريقتي في الناجيت ..
مرررررررررررة حلوة وسهلة و أهم شيء بدووووووون زيت ..

المقادير ..
صدور دجاج فيليه
ملح ؛ ماجي ؛ فلفل أسود ؛ بهارات ؛ خل ؛ ليمون
بيضتين مخفوقة
بقسماط


الطريقة ..
قطعي صدور الدجاج قطع متوسطة ؛ ثم تبليها بكل التوابل اللي ذكرتها ؛ أهم شيء الماجي ما تكثرين يعني ربع المكعب كفاية و يفتت و يخلط بكل التوابل جيدا ثم يوضع على الدجاج و يترك لمدة نصف ساعة مع تقليبه ..

بعد كذا اغمسي القطع في البيض و غطيها جيدا بالقسماط ..
ثم سخني مقلاة لكن بدون زيت ؛ امسحيها مسح فقط بنقطة زيت ولو تيفال ما يحتاج ..
صفي القطع فيها و خليها على نار أعلى بقليل من الهادئة و قلبيها من وقت لوقت مع تغطية المقلاة إلى أن تنضج القطع و تأخذ اللون الذهبي المحمر ..
و بالعافيه على قلوبكم ..

إذا أسعفني الوقت سويتها اليوم وصورتها لكم ؛ تستاهلون ..
أتمنى تعجبكم ؛؛