لاتخافين انا الي وقفني..سببين:


مسؤولية عاملات المحل بتكون علي

وانا اخاف الله ..أخاف بكرا يسوون مصيبه وابتلش

مع ان اختي قالت لي ان هالعالم مشاغل ومحلات وانتي خايفه

قلت انا ذمتي عند ربي واخاف ..عساني اتحمل ذنوبي

هذا السبب الي مني

السبب الي من زوجي.. قال طلعه واداره لا .. بيتك وعيالك اولى(بيكون دوام من العصر الى 11 بالليل على الاقل في بداية المشروع)


وهو اصلا رافض الوضيفه خير شر

حاولت يمين يسار وعيا (خصوصا ان شاف انو ضايق صدري من موضوع المسؤوليه)

الله يوفقك يارب

المكان الي قالت الاخت عنه جنب مركز الناصر ..حلو جداا بس اتوقع بيكون غالي لانه على خريص مباشره وفيه عيب انه مافي مخرج بعده يسهل طلعه الزباين بيمسكون الشارع لاخره(يعني يلفون لحد مخرج12) او بيحوسون بالحاره الي ورا ويرجعون لشارع الحسن بن علي

تسلمين ياغاده الرياض .... اذا علي كذا العاملات راح يكونون بدوام الساعه يعني لاحد علي كفالتي ولا اتحمل مسؤؤليه سكن ولااكل وشرب
وتسلمين مرره ثانيه ياحلوو

اختي وش التصريح حق النادي؟؟؟؟؟؟؟ لازم منشاءه طبيه

شوفي اختي صح بالشمال كثير بس كلها تتركز في منطقه وحده مثلا
التخصصي الطبي
والنخبه والمشاري
ونادي المملكه
وهذا الي قبال المملكه
اذا لاحضتي كلها في مكان واحد تقريبا بس في الشمال في الاحياء الجديده مافي نوادي ابداا مثل النخيل وعقيق بن موسى وحطين والنفل والصحافه والخزامى
والعالم كلهم هابين في هالمناطق السكنيه
احس موقعه هناك راح يكون حلوو خاصه انها احياء رااقيه مره وجديده

حبيبة قلبي والله هذا اللي اتمناه من زمان يكون فيه نادي رياضي نسائي

مثل ما قالوا اغلب البنات شرق الرياض احسن وانسب مكان له على طريق خريص مثلا

او شارع انكاس مواقع جدا معروفة واعتقد انها مناسبة ....على بداية شارع انكاس

من جهة خريص اشوف مباني جديدة موضوعه للايجار ...وايضا في آخره قبل

طريق الملك عبدالله بجانب مدارس الديوان في بنايات لسى يبنونها واكيد رح

يعرضونها للايجار ليتك تحجزين عندهم من الحين ........

المهم يا قلبي سندرت راسك من الهذره ,,,الاشياء اللي اتمنى تكون في النادي

انا ..يعني توظفيني عندك هههههههه امزح ,,,

بس ابغى استأجر ركن صغير في المركز حقك(بعدين اقولك ليش علشان ما تنسرق الفكره)

1الرسوم : مهم جدا تكون رسوم الاشتراك معقوله ..

2مصلى , كوفي شوب وانترنت وحضانه مثل ماقالوا الاخوات ,ولو يكون فيه قسم للتجميل

ترى مهيب شينه>>الا وش رايك قسم خياطة بعد..

3اهم شئ وجود جميع انواع الرياضات من سباحه .. الخ..

هذا اللي اتذكره اللحين ...ومشكوره حبيبتي على هالفكره صدقيني رح تحلين ازمه

الله يجزاك كل خير.