غاليتي "حبوبة" :24:
كلك ذووووق والله انت وكلامك الحلو ومدحك والله خجلتيني...آسفة لأني تأخرت عليك بالرد.. شوفي حبيبتي غرفة النادي كانت عبارة عن ملحق خارجي بجانب المسبح .. فكان كل شي هناك وصجتهم ما توصل لداخل البيت ... وأنا توني غير متزوجة .. ولا عندي طبخ ولا زوج ولا عيال .. لهذا كنت متفرغة للنادي بكل ما يحتاج من ترتيب وتحضير الفصل قبل ما يجون وترتيبه بعد ما يروحون .... الخ ، وبصراحة بالنسبة لوضعك ما أدري .. يعني زوجك ما عنده مانع؟؟ .. ووين بتحطينهم؟؟ والأهم وش بتسوين بطفلك؟؟؟ أنا ما ودي أهبطك وأحبطك ولكن بحكم اني جربت ترى الأطفال يبغى لهم صبر كثييييييييييير وعقل كبيييييييييييييييييير وتحمل والنادي يحتاج جهد ووقت.. وبعد ما يروحون أكون تعبانة فأتوجه للسرير مباشرة:23:... صح المشروع حلو وممتع ومفيد وفيه استثمار الوقت بما ينفع بإذن الله واحتساب الأجر في ادخال السرور للأطفال وتعليمهم أعمال وقرآن وغيره وأخذهم عن وجه أهلهم لبعض الوقت:21: .. بس كل شي بحقه...
ولكن مادامت الفكرة عاجبتك وأنت متحمسة لها هالقد .. وعندك عزيمة قوية .. رح تقدرين تسوينها بشكل يتناسب مع ظروفك ... وظروف أسرتك الصغيرة..
ممكن ما تكبرين عدد الأطفال في أول مرة لأنها ماتزال تجربة وحسب المكان الذي سيكونون فيه وخصوصاً أنك وحدة ما معك مساعدات (وعلى فكرة ترى بالإمكان انك تسوينه لحالك يعني انا اتخيل لو ما كان معي مساعدات كنت اقدر اسويه بالراحة اذا كنت احب هذا الشي لكن وجود مساعدات ما هو إلا أنه أونس خصوصاً فترة التجهيز وشراء الأشياء وإصلاح ديكور الفصل).. وتقدرين تخلين وقته مثلاً عصر أو صبح حسب وقت نوم طفلك وعمل زوجك.. وممكن تخلين الوقت أقل من أربع ساعات بحكم أنك لست متفرغة تماماً .. يعني مثلاً ساعتين .. حسب قدرتك.. أو ما تخلينه كل يوم يعني يومين بالأسبوع وفي هاليومين ممكن تحطين طفلك عند أحد مثل أمك أو أختك لمدة وقت النادي ... يعني باختصار إذا كنت فعلاً متحمسة سوي اللي تقدرين عليه حسب وضعك وامكاناتك.. وأهم شي ادرسي الموضوع جيداً من جميع النواحي (عدد الأطفال، الرسوم، الأعمال ، الوقت، الأيام، ...) واتوكلي على الله تراها تجربة حلوة وممتعة.. صح أحياناً والواحد في وسط صجة البزارين وحوستهم يقول وش الله ورطني:23: بس صدقيني بعد ما تخلصين تكتشفين انك استفدت من وقتك وأفدت غيرك..مو أحسن من أنه تضيع فترة الصيف في نوم وأكل وطفششششششش بدون إنتاج؟؟؟؟؟؟؟؟؟ والنفس إذا ما شغلتيها بالشي المفيد شغلتك بالمعصية..
وفي النهاية الله يعينك ويساعدك وعقبال ما نسمع عن أخبار النادي حقك:32:

غاليتي"أم وابل" :24:
يا هلا فيك والله .. أي معلومات خاصة عن النادي أنا حاضرة .. اسأليني عالخاص :27:
ويا هلا فيك مرة ثانية ...

ومرة ثانية أقولكم آآآآآسفة على التأخير... وبانتظار المزيد من أفكاركم الحلوة مثلكم ... وعلى فكرة أفكاركم كلكم من أولكم لآخركم كتبتها على ورقة وأفادتني كثييييييييييييييييييير .. يا حبيلكم بس :24: الله لا يحرمكم الأجر بكل فكرة طرحتوها...
تراني أستنى الباقي ...........

برجيس
اش رايك نفتح نادي صيفي مشترك أنا وياك بالانترنت
بس كيف
ادرسي الموضوع

انسة مرتبة كيف حالك
وين وصلت الاجازة قربت هل انت جاهزة
أي خدمة قولي
مع تحياتي:26:

أختي الأنسه مرتبه و الأخوات في المنتدى السلام عليكم أرجو منكن جزاكن الله عني خيرا المساهمه في الموضوع وأتمامه وهو المشاركه بمواضيع وأفكار ولكن في مراكز صيفيه للنساء المتعلمات والأميات وكذلك المراهقات فأخواتي أرجو منكن مساعدتي في ذلك وخاصه أننا على وجه الأجازه لأن الموضوع كان في بالي ولكن الأخوات أثاروه بمشاركاتهن الرائعه وأرجو منكن سرعة الرد

أفكار رااائعه وجميله ....

يعطيك العافيه ... وبالتوفيق ،،،،،

اهلين اخواتي الغاليات مثل ماتشوفون انا عضوه جديده بس بصراحه الموضوع شدني كثير
الافكار جدا رائعه وبيني وبينكم الفكره جت على بالي قبل فتره بس ماقدرت اسويها لاني سكنه في شقه في عمارة اهل زوجي فالوضع صعب جدا
اختي انسه مرتبه اسمحيلي اشكرك على الافكار الرائعه جدا جدا والله يوفقك
اختي برجس انتي تذكريني بنفسي على كثر مانا دايم متحمسه وابي اسوي اشياء كثيره للاسف ماتصير حاولي التركيز على نشاط تحبينه وتحسين انك ممكن تبدعين فيه وخططي له بتركيز وصدقيني بتنجحين باذن الله حاولي تتصلين على المراكز الصيفيه وتطوعي عندهم في البدايه عشان تاخذين الخبره والناس تثق في خبراتك وتعرفك وبعدين اسسي مشروعك الشخصي عشان ماتفشلين.....وياليت تبشرينا بنجاحاتك المستقبليه
اتمنا للجميع التوفيق
اختكم :26: