كلامكم صراحه رائع وافكاركم اروع ، واشكرك كثير اختي انسه مرتبه حركتي احلام بداخلي ولكن سريعا ماادركت صعوبه تحقيقها للاسف انا حالي مشابهه للاخت رحيل العمرو لكن بثيتي بداخلي امل للعل وعسي في يوم من الايام تتحقق هذه الاماني واسمحيلي اقولك انك مبدعه ماشاء الله عليكي والله يحلي ايامك وربنا يوفقك دوما .:27:

سلام بنات والله يوفقكم ....
بصراحة أنا ما قرأت الصفحات كلها..... بس حبيت أقول لكم استعينو ببعض الكتب مثلاً كتاب عالم الأذكياء لفتحي محمد - ومحمد عبادة فيه أفكار حلوة إنشاء الله تفيدكم

السلام عليكم
لدي فكرة سريعة ان شاء الله تعجبك..
اشتري لكل واحد تي شيرت من ابو خمسة ريال ولو يكون ابيض احسن ..
في احد دروس الفنية خلي كل واحد يطلق العنان لفرشاة تلوينه وخلي يرسموا عليهم خليهم يلبسونه في اخر يوم او يوم التمثيل راح يطلع شكله جميل جداً.. سويناها في فصل الرسم بالثانوية وكانت قمة المتعة تغير شكل عن الورق ..

الفائدة:
*اعتقد انك راح تشرحي لهم الفرق بين كل نوع من الالوان زيدي عليهم الوان القماش :)
*علميهم طريقة غسله وكيف انه لازم ينغسل في موية باردة والفرق بينه وبين التي شيرتات العادية اللي نغسلها دايم المطبوعة طباعة ..
*بامكانك طلب منهم تكوين التمثلية عن طريق التي شيرتات او مثلا دعيهم في النهاية كل واحد يذكر كلمة قصيرة من تعبيره لماذا اختار هالرسمه تمثل التي شيرت الخاص فيه او يؤلف قصة قصيرة عن رسمته ...

تحياتي القلبية وبالتوفيق اختي..
رغد الحياة

انسه مرتبه بعد ما قرات موضوعك جاني حماس فضيييييييييييييع وبدت هالهواجيس باليل وبالنهار...لين طاح شعر راسي ...وقلت لازم اسوي هذا المشروع ....لكن على حسب ضروفي وامكانياتي ...وما كذبت خبر...
وقررت الااتي:
اخليه فتره الصباح
- بما اني لحالي في بيتي ما عندي احد يساعدني قررت انهم ما يكونون اكثر من 10 اطفال عشان اقدر اضبطهم
- واخلي كل طفل يجيب فسحته معه عشان بعض الاطفال مزاجهم يختلف باكل (انا احب هذا انا ما احب هذا ) .. اخاف نقلبها مطعم على الصبح.
- واخذت افكار من افكارك ...وبديت اجهز غرفه عندي بالبيت ...
وقلت قبل ما اسوي استعدادت اكلم على الاهالي واعرض عليهم الفكره ...وكلمت وفعلا عجبتهم الفكره وقالت ردو علي خلال يومين عشان اعرف من اللي بيجي ومن اللي لا ..
وطول هاليومي وانا الاحلام توديني وتجيبني ..وادق التفاصيل افكر فيها ....
وبعد يومين جاني الخبر:44: ربعهم يقولون افضل لنا وقت العصر عشان احنا عيالنا يسهرون معنا بالليل .
وربعهم قالو ما عندنا احد يجيبهم الصبح لك:44: والباقي ماعندهم مانع يجون:27:
بس لما حسبتها ما تسوى علي اقوم الصبح عشان 4 طفال ,,اصلا ما يصير فيها حماس ولا تشجيع لهم انهم يجون بيصير ملل.....:08:
مشكلتي ما اقدر اجيبهم العصر عشان زوجي يكون بالبيت هذا الوقت ولا عندي سواق اجيبهم واوديهم ....ممكن اخذ سواق امي بس صعبه كل ظهر اطلع انا وياهم بالقوايل وخصوصا اني عندي ولدي صغير ما اقدر اخليه بالبيت
المهم انهارت احلامي......ويا حسافه شعر راسي اللي طاح من كثر الهواجيس....:06:
لكن هذي انا سبحان الله وين ما اطقها عوجا...ما عمري فكرت بمشروع ولا عمل اسويه الا ويصيبه الفشل الفضيع والذريع من قبل ان ينفذ ....وتروووح احلامي وحماسي مع الريح......:( :( :( :(

حبوبة
قلبي معك ...
أنت طرحت عليهم الفكرة
وقت الصبح هو المناسب لك
توصيل الأطفال الأفضل يتكفل بها الأهل ...

أتوقع لو بدأتي مع عدد صغير في البداية 4-5 أطفال و نال الإعجاب وتحمس الأطفال و انتشر الخبر بينهم ....
سيتحمس البقية و يحرصون على الحضور حتى لو كانوا سهرون سيتعدل النوم , و سيجدون من يوصلهم ....

المهم أن لا تفقدي الأمل بسرعة ...