1 - تعرفتي على العطر عن طريق
د - نصيحه من بائع العطور


2 - ما هي ردة فعلك تجاه العطر
أ - جربته وما عجبني فما اشتريته

:) :26:

اهلين حبيباتي

اختي @وجه المرايا@
هو مو لدرجة مقرف
لكن سبحان الله غير مميز و يميل انه يكون رجالي
اسعدني مرورك و مشاركتك

اختي lora18
الحمد الله انه عاجبك و ما تندمتي عليه
اكيد انه ناسبك
لأن العطر يختلف من شخص لآخر
الله يهنيك فيه يالغاليه

اختي صوغه راك
الله يهنيك فيه يالغاليه اكيد انه ناسبك
الله يسعدك على المرور

اختي مادام معاي القمر
ما شاء الله عليك لحقتي على عمرك ما شريتيه و تروطتي
الله يرزقك حسن الأختيار

مشكورات حبيباتي جميعا على المشاركة و ابداء الرأي
اختكم القمر_1

ماجربيته
انشالله قريب بجربه ويسلمووووو

اخواتي الغاليات مرحبا بالجميع
و اشكر كل من شاركت معي في الموضوع

راح اقولكم قصة شرائي للعطر
انا عادة استغل اي سفرة خارج المملكة و اشتري لي اكثر من ثمان عطور
لأن العطور عندهم تكون اكثر تركيز و ثبات
المهم جاء عيد الضحيه اللي فات و انا عطوري لي سنه و زيادة شاريتها
قلت خليني اجدد في العيد
انا متعودة ان زوجي يختار لي العطور
لأنه ماشاء الله عندة ذوق عالي في الأختيار بشهادة الجميع
نساء او رجال
قلت له ابغى عطر جديد
قال في بالك نوع معين
قلت البنات في النتدى مدحو لي عطر نارسيسو
قال خلينا نجربه
رحنا نجربه قال مو لهدرجه
ليه ما تشترين برادا << شريته من برا قبل ينزل بالرياض و كل من شمه علي انهوس عليه
قلت لا انا شريته من قبل و ابغى اجرب شي جديد
المهم ثلاث مرات نجرب عطور من ضمنها نارسيسو
و كل مرة من ثقتي في بنات المنتدى
اكون متاثرة بمدحهم و اقول لا ابغى نارسيسو
قال مو مميز لهدرجه و اقول لا باخذه
المووووووووووووووهيم
جات ليله العيد و بركم واحد إلا اشتريه
لكن متى عزمت
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
الساعه 12 ليله العيد و المحلات مسكرة
قزاز , دبنهامز , افينو
ضاق صدري ولا تهنيت في تمشية ليله العيد
بعد ما تعشينا رحنا نشتري شوكولا من شارع الثلاثين
و المفاجاة الساعه 3 الليل إلا محل بقشان فاتح
من الفرحه رحت شريته و كان سعرة اغلى من المحلات اللي جربتها عندهم
و كل يوم العيد و انا ارش منه و احاول اقنع نفسي فيه
و ثاني يوم جتني المفاجأءة
الكل يسالني عن العطر و اولهم زوجي
غريبه عليك هالذوق ؟؟؟
شكله جايك هديه ؟؟
انا حاولت احبه لكن للأسف ما سرت طايقه استخدمه

قلت خليني اسال بنات حواء العيب مني و الا من العطر
و انا عارفه مع احترامي للجميع
ان اختلاف الأذواق له دور في الأختيار
و غير كذا

رائحة الجسم الطبيعيه , اختلاف فصول السنه , اختلاف اقمشه الملابس
اختلاف وقت اليوم من الصباح للمساء

و لذلك نصيحه للجميع عند الرغبه في شراء العطر مراعاة الآتي
1
تجربته على الجسم
2
الذوق الخاص << و تنقسم الأذواق في رائحة العطور الى
سويتي ( مثل الحلاوة ) , توابل , ورود , مسك , فواكه و عنبر
و هذا يعني اني اذا ما عجبني العطر ما اقلل من ذوق اختي الأخري اللي عاجبها
لأنه ممكن ان العكس يكون صحيح
3
العطور اللي تنزل في فصل الشتاء تكون غالبا للشتاء فقط و هكذا
و يتبعها نوع القماش
4
الوقت هل هو للأستخدام للصباح او المساء
( مثل عطر الور يناسب الليل , و بومب فلور للنهار )

ان شاء الله ما اكون طولت عليكم
و افدت الجميع بخبرتي المتواضعه في العطور
الله يسعد الجميع و يوفقهم
اختكم القمر_1

اهلين حبيبتي
ياليت اذا جربتيه تعطينا رايك فيه
اسعدني مرورك و مشاركتك
اختك القمر_1