ناره ولا جنة اهلك ؟ سؤال موجه للمتزوجات

انا مع رغبة هذي الزوجه في البقاء وعدم الطلاق
وثقي تمام الثقه انها من الآخر "تحبه " لا تصدقين ان المانع الاساسي والحقيقي هو "عشان العيال "
هي الان زوجه غير راغبه وغير مستعده لشي اسمه طلاق ولا يناسبها
وبرأيي مو كل مشكله او خلاف وسوء تفاهم بين الزوجين يستدعي الدندنه على وتر الطلاق والنحشه لبيت الاهل بدون تفكير
الزواج يتطلب شخصيه ناضجه فيها مرونه كافيه تستمر بها الحياه
وانا ما اعرف نوع الاهانه وقلة الاحترام اللي صدرت من الزوج ولا اعرف كيف كان تصرف الزوجه ولا اعرف الاسباب اللي أدت لهذي المواقف بينهم ورغم ذلك اقول الطلاق مو حل
الحل الاساسي محاولة ايجاد جذر هذا الخلل والدافع خلف قلة احترامه واهانته وايجاد اسلوب او طريقه للتعامل معاه ومع شخصيته عشان تتفادى هذي الصفات فيه
واللي تعتقد او تظن ان الرجال او الزوج لازم يكون 100% مافيه سلبيات تكون متوهمه
وانا شبه متأكده ان اللي تشتكي من زوجها وما لها رغبة طلاق هي بس جالسه تفضفض وتستجدي العطف والاهتمام بطريقه غير مباشره وهي حابه دور الضحيه يشبع عندها احتياجات ومشاعر معينه
وعلى الاغلب لما تقفل من عندك او تطلع من عندك ترجع تنام بحضن زوجها اللي توها غسلته وطهرته من السيئات بغيبتها له عند الخلق
يعني اتركيها براحتها لا تحثينها على الطلاق وتحملين إثمها
خذي وخلي وبس ادعي لها

في داخلها خوف من الطلاق
ومن الشماته وكمان تبي الإستقرار
لأطفالها.
كل وحده منا عندها أولوياتها في الحياه.
ما نقدر نقول إنها غلط لأنها شايفه نفسها صح.

هذي العباره كأني أول مره أفهم معناها

اكثر مقولة اكرها هذه العبارة
نار زوجي ولا جنة اهلي

الحياةالزوجية لاتخلو من المشاكل
ولا بد نسدد ونقارب قدر المستطاع
اذا شد طرف الحبل يرخي الطرف الاخر
كي تسير المركبة
ولكن هناك امور فوق قدرة الشخص على التحمل
هنا اقول اهلي بحلاتهم ومرهم
والحمد لله الوضع الان افضل من السابق بكثير
كل شي في صف المرأة والحمد لله