ناري ولا جنة أهلي

<ناري ولا جنة أهلي> شرايكم
صار لي الآن سنه و3 أشهر متزوجه
زوجي في سنتنا الأولى شغله برا ديرتنا و ما تسمح ظروفه ماديا ياخذني معه وشجعني أكثر بالجلوس كوني حامل ولسا أحن لبيت أهلي وهذي السنه الثانيه فتحسنت ظروفه أصبح موظف حكومي ولله الحمد ونقل مكان أبعد لكنه إلى الآن لم يستلم أي راتب له من شهر7
أمي سكتت السنه الي فاتت يمكن قدرت الظروف
السنه هذي قامت تقط كلام ماله داعي
حسستني بثقلي عليهم أنا وولدي
الزبده اننا ان شاء الله بعد العيد لمايستلم راتبه
بنستأجر ونأثث يعني بروح معه ان شاء الله
وعلى فكره فكرة اني أجلس عند أهلي هذي فكرته
ماقدرت أعارضها
ولا أقول بروح معك غصب
أنا والله تقديرا لظروفه جالسه
ومتأمله مابعد الصبر الا الفرج
شرايكم
كل وحده تقرأ موضوعي تحط نفسها مكاني
وش بتسوين؟
1_هل بتصممين تروحين معه وهو الي مخطط تجلسين عند أهلك؟
2_أو بتجلسين عند أهلك تراعين ظروفه؟
ولو حصل وجلستي وتعرضتي لمضايقات وكلام واستهتار بزوجك انه يلعب عليك مارح يآخذك وش ردة فعلك؟
مع العلم انه كل خميس وجمعه يجي ياخذني
وماخلى علي قاصر بأي شي ماشاء الله مع انه مايملك بس يتسلف عشان ما احتاج
وكذلك كل مره يوعدني بسفره وطلعه بس عشان ماديته أنا أرفض بعدين
وأهلي يقولون رجلك مافيه إلا الحكي ومايقتنعون اني انا الي رافضه
يمكني غلطت اني أقول لهم كل شي
ربي يخليه لي ويخليني له ويخلي لنا ولدنا ولا نحتاج أحد قريب ولابعيد
قولوا آمين
والله العظيم انه إذا جا يآخذني تكون مقطوط علي كم كلمه جارحتني ومضيقه صدري
وطول الوقت دمعتي على خدي
وأحس انه هو السبب في مذلتي أصير مكتمه ولايتهنى هاليومين
حتى جدتي تقول اني مسكينه
مع اني ماحس اني استاهل الشفقه لهدرجه
يمكن فاهمين غلط
شي ثاني مضايقني
قريت هنا بالمنتدى ان الزوجه لازم تعود زوجها مايبعد عنها
وانا الأن لي أكثر من سنه مايكون قريب إلا وقت الاجازات وخميس وجمعه
وإلا خرافات>> طمنوها وقولوا خرافات
خخخخ
والله اني أقول أحسن شي بنبعد ان شاء الله أخطط إذا رحنا بعد العيد ما نجي الا العطله الصيفيه
>>مسويه مهمه والله رحتي وإلا قعدتي محد سائل عنك
ياعمري عمر حالي