من أحد غايات الشيطان : التفريق بين الأزواج ..
احسني الظن في زوجج ..
لا تخلين مجال للشيطان يدش بينكم ..
و هذي كلها أوهام و شكوك .. يعني مالها أي أساس من الصحه ..
يعني قاعده تتعبين تفكيرج عالفاضي ..
نصيحتي .. ابتعدي عن الشكوك تراها بداية دمار للحياة الزوجيه ..
هذا إذا كنتي بتحافظين على (عش الزوجيه) ..
الله يحفظكم لبعض و يحميكم من كل شر :)
:26:

هذا انا من جديد..............والله والله والله ماجاني النوم من الحره المصيبه دقيت عايه قال نامي وبكره قوميني للدوام!


وانهرت وسكرت بوجهه واللي استغربته دزلي مسج انك اقرب الناس مني وتسوين لي كذا!!!وهذا مو اسلوبه

ولااسلوب اي احد واثق من نفسه.....بالعاده يسفط المهم سويت نفسي مادريت عن سالفه السوق وقعدت اضحك

معاهم سألت وين رحتوا؟اخوي اشر على زوجي وابتسم قلت ليش سر؟

المهم قعد يراوغ زوجي..وقال تمشينا وتعشينا وجينا قلت بالعافيه وقلبي يقول سم هاري..........

المهم دخلت الغرفه الاخ قاعد يفرفر بجواله ابتسمت من ورا ورا ورا قلبي وقلت شخبارك.؟

صرخ قال شتبين قلت سلامتك.....ونمت وتغطيت ونزلت دموع فلبي...........

المهم حس انه غلط قال ابي ماء قلت ابشر وجبت له المهم تعرفين اللي مو واثق من نفسه وعنه بلا؟

قعد يسولف وانا اسمع جاطاري قليت وين رحتوا قال للسوق في المقاهي وانا ماي خاطر غصبأعلي!!

وبعدين فرينا على المحلات قلت ليش تتجامل كان قلت لا انت متزوج هب فيني وقال لاتسألين اخوك بعد...

يسوي له قصص وروايات..........سكت شوئ الا قال لاتقولين لاخوك ليه وديت زوجي للسوق!!!

قلت انت تتكلم واناعادي موزعلانه ليه تبيني ازعل؟صاير شئ ؟؟المهم صرخ وسوا له الف قصه وراح قعد مع اخوي

لا وماخذالجوال بيده...............وطول لعب ابليس براسي ورحت لقيتم يتساسرون ........كبست عليهم وقلت ماجاني نوم

المهم راح قال لي اخوي لاتجيبين له سالفه السوق ولاتقولين ليش رحت مع اخوي قلت انا لاقلت لك شئ ولاقلته له

ليش تقولون نفس السالفه بالعربي بنظري يابنات كل شئ واضح اللي ببطنه ريح مايسترسح وانتوا شرايكم؟

و الله انا اقول لا تتسرعين و تكبرين الموضوع ..
الحين بيحس انج انتي اللي تدورين الزله عليه ..
اما مسألة جواله دايما معاه فهذا طبيعي .. بس انتي ماخذه موقف من زوجج ..
تعوذي من ابليس و ارتاحي و مو صاير الا كل خيرررر ..
:26:

عزيزتي...
انا احس بكل ألم تحسين فيه..وبكل دمعة تسطر طريقها على خدك..لاني مررت بنفي موقفك لا وأكثر بعد...
شوفي غاليتي...انا بعد شكيت في زوجي.له تصرفات مفضوحة تماما..هذا مووقتها اقولها..وتعوذت من ابليس مرة ومرتين..بس بعدين اكتشفت ..ان الرجال مالهم امان..ولازم الوحدة تحط بالها على زوجها عدل وتدقق في كل شي..بس بطريقة ما يحس فيها..طبعا الحياة بهالطريقة عذاب ..بس احسن من انج تهملين الزوج وتطنشين ما تحسين به (على فكرة احساس المرأة في هالسوالف صادق 100%) وطبعا لاتنسين الصلاة والدعاء له ولك ..وتذكيره بالصلاة والذهاب الى المسجد وما الى ذلك لعل تقوى الله تنهاه عن المنكر..لانه بصراحة يا عزيزتي...الرجل يسوي اللي في خاطره..والوحدة ما تقدر تمنعه...وبصراحة اذا لم يصنك من امامك وورائك من نفسه..ما في فايدة..ما نقدر نغصبه....
المهم عزيزتي...انا جتني الامراض بهذا السبب..فلجأت الى الله وحده هو الكفيل بأخذ حقي ممن ظلمني..
اذا حبيتي المزيد من التفاصيل..راسليني على الخاص وأنا اقولج شسويت...

والله يصبر قلبج ...آمين

يابنت الحلال الصراحة ما تنفع في هذه المواقف ..لانك ما مسكتي دليل ..حلي مشكلتك بطريق غير مباشر وجيبي له قصص عن اللي يناظر بنات الناس الله يبلاه بأهل بيته ...وكوني طبيعية وأنتي تروين القصص لاتخلينه يفهم أن قصدك أياك أعني فاسمعي يا جاره..وأدعي أن ربي يهديه ويبعده عن الحرام وانتبهي لنفسك تهندمي زين وغيري من شكلك وأهتمي فيه من نا حيه ال..... والله الحريم اللي في الأسواق فتنه ما بعدها فتنه..