السلام عليكم ورحمة الله وبركاته:
مشكلتي باختصار ان زوجي خسر كل فلوسه بالاسهم وصار راتبه يادوب يكفينا نص الشهر وحصلت وظيفة بالرياض ووافق زوجي بشرط اني اسكن عند اهلي ( بيت ابوي الله يرحمة) ما فيه الا امي واخوي وزوجته.وفعلا سكنت عندهم لي الحين سنتين بالاجازات اروح عند زوجي والمدارس الله يعين ويجي هو . عيالي صغار اكبرهم عمره 5 سنوات اخذت قرض تورق من سنة عشان مشروع صغير يبغى يسويه زوجي وللحين ما شفنا ارباحه
الزبدة: زوجة اخوي ما عجبها الوضع وما عاد تبيني عندها بالبيت وكل يوم تسمعني حكي بايخ وانا ارد عليها بضحك ان هذا بيت ابوي ولا صرت في بيتك اطرديني ويوم شافت انه ما فيه فايدة قامت اتسوي روحها مريضه وكل يوم اخوي يوديها المستشفى فيها هبوط ونفسيتها تعبانة . والله يا بنات انه عمري ما زعلتها ولا سمعتها كلام ولا شكيتها عند زوجها وعيالها احسبهم بالهدايا قبل عيالي حتى انه احيان اهون ما اشتري لعيالي لان فلوسي ما تكفي لعيالها. المصيبة ان امي ماتبي تزعلها وكله بس تحسب خاطرها وانا ماهو مهم خاطري عندها لين استقوت وقالت انا ما ابي اختك بالبيت وامي جتني تقول انا ماابي اخسر اخوك مع انا اخوي يعزني ولا فكر انه يزعلني بكلمة؟. بس هي ما تبغا تزعل مرته . الحين تقول اطلعي من البيت ولا تزعلينها تخيلوا؟ طيب وين اروح ؟ والاقساط اللي علي؟؟ لوزوجي يقدر يدفعهم ما كان قصر .يبغالنا على الاقل سنتين لين تعدل امورنا

بنت ابوي بنته @bnt_aboy_bnth
عضوة نشيطة
يلزم عليك تسجيل الدخول أولًا لكتابة تعليق.

انا اشوف انك تطنشيها وتفهمين امك انه كمان بيت ابوك وبعدين قولي لامك واخوك ان الرجال اذاعرف حيفهمها انها طرده وكذا بيزلك فيها طول العمروهم كمان بيطيحون من عينه


قذوقذو
•
خوش والله ومرت اخوك شنو دخلها بالسالفه ليش ما تبيك هذا بيت ابوك وطنشيها يعني لين متى راح تسوي نفسها تعبانه الاول والاخير اخوك راح يعرف انها تمثل وانتي حاولي تتكلمين مع اخوك انك تمرين بظروف وانه يعذرك الحين اذا اخوك تفهم ومرحب تركي زوجته عنك وانتي قولي لامك انك محتاجتها جنبك والله غريبه هالدنيا تشتري راحت مرت الولد على حساب بنتها الله يكون في عونك يا اختي وربي ييسر لك امرك

ام الحلوه :
اجلسي فيه هذا بيت ابوك وفهمي اخوك انها فتره وبتطلعين يعني مو طول العمر عندهماجلسي فيه هذا بيت ابوك وفهمي اخوك انها فتره وبتطلعين يعني مو طول العمر عندهم
انا لله وانا اليه راجعون
والله هالعالم ماعاد في قلبها رحمه بصراحه استغرب تصرف امك واخوك والا فيه احد يطرد اخته
والله مدري وش انصحك فيه بس حبيت ادعي لك ان الله ييسر امرك ويسهل عليك ويرزقك من حيث لاتحتسبين
والله هالعالم ماعاد في قلبها رحمه بصراحه استغرب تصرف امك واخوك والا فيه احد يطرد اخته
والله مدري وش انصحك فيه بس حبيت ادعي لك ان الله ييسر امرك ويسهل عليك ويرزقك من حيث لاتحتسبين
الصفحة الأخيرة
والله يوفقك ويسهل عليك بالدنيا والاخره