نار تغلي في قلبي

بنات انا ابغى افهم زوجي انا تزوجت من قرابة عشر سنوات واحد مطلق ومن تزوجت وهو يخطب علي وبخيل معانا حده يجيب لنا ضروريات الحياة وكسوة العيدين مع الشتا اي شيء يخترب في البيت ما يصلح انا الحمد الله قايمة بالبيت وبالعيال وبشهادة الجميع انيقة ومؤدبة ومتعلمة بس زوجي ضغط علي في حياتي من جميع النواحي بما فيه تربية عياله .

المهم بعد هالعمر والمعاناة والصبر زوجي رجع حق طليقته دخلوا الحين الشهر الثاني ماحط لها سكن يروح لها ديرتهم وياخذها الويك اند بيت اهله وعيالها مازالوا عندي .

زوجي طاير فيها وكان عريس جديد ماسبق انه طلقها او يوم ما بينهم مشاكل ويشوف نفسه ان ظلمها بالطلاق طوال هالسنين وانها مسكينة وفقيرة المهم ما طولها عليكم زوجي يعيش معاها دور العاشق مسجات وقلوب وورود من الصباح وقبل النوم وانا مخليني حق العيال ومسؤولية البيت .

والله يا بنات انها ما تسال عن عيالها ولا تتصل عليهم حتى اهل زوجي يقولون مو جايبة خبر لعيالها اهم شيء نفسها معاه وهو عايش الجو معاها .

سؤالي للي زوجهم معدد الى متى يستمر على هالحال معاها ومتى يبطلون هالحركات اللي تخليني اغلي مو كافي علي هم عيالها وهم عيالي يجون يسون لي هالحركات حسبي الله على كل ظالم يظلم .

انا يتيمة الابوين ماعندي احد الجأ له وهو ابد مايسمع كلامي ان ياخذ عيالها عندها واثاث البيت متهالك ولا جايب خبر له همه بس نفسه قمة الانانية عنده .