نار جهنم على بعد 300 كلم أقروها ياأعضاء

نار جهنم على بعد 300 كلم

اعزائي اعضاء المنتدى هذه القصه نقلتها لكم ان شاء الله تعجبكم وناخذ العبره منها

كان في اربعة شباب من المملكة العربية السعودية وكانوا مقصرين في صلاتهم وذكرهم لله .. يعني ما يؤدون واجبهم امام رب العالمين ..((يعني يوم يصلون وعشرة ايام لأ )) ..
وفي يوم من الايام قرروا الاربعة الشباب القيام برحلة والذهاب الى الرياض لانهم كانوا في مدينة ثانية في الطريق بدؤو ا السوالف والضحك وفجأة مرت لوحة من اللوحات اللي تعرض على الطرق العامة يعني اللي تبين المسافة المتبقية ..
كل الشباب يشوفون على اللوحة قراءة مكتوب عليها الرياض 300 كلم ..وهنا تكون المفاجأة انه في واحد من الشباب يشوف اللوحة مكتوب عليها نار جهنم على بعد 300 كلم .
فيقول هذا الشاب للشباب الباقيين على اللي شافه (( انه نار جهنم على بعد 300 كلم )) فينفجر الشباب بالضحك ويقولون انه خرف ..
وبعد كذي يقول هذا الشاب انه ممكن كان يتوهم فينسى السالفة ..
لكن هاذي الواقعة تتكرر عندما الشباب يشوفون اللوحة مكتوب عليها الرياض 250 كلم لكن الولد يشوف نار جهنم 250 كلم == طبعا هذا الشاب خاف انه السالفة تتكرر وقال حق ربعة مرة ثانية لكنهم تموا يتمسخرون عليه واستمر هذا الحال لين ما كان مكتوب الرياض 100 كلم واكيد انه الشاب هذا يشوفها نار جهنم 100 كلم === وبعد كذا يقول هذا الشاب حق ربعه انه بينزل من السيارة لانه يبا يرجع وما يكمل .. ونصحهم بعد انهم يرجعون.. لكنهم يرفضون اول شي وبعد ما شافوا اصراره انه يبا يرجع نزلوه من السيارة وكملوا طريقهم ==== طبعا هذا الشاب ظل فترة ينتظر على الطريق عشان يبا حد يجي وياخذه معاه في طريق الرجعة وبعدين توقفله سيارة فيركبها هذا الشاب ويستغرب يوم يشوف انه السائق يقول لا حول ولا قوة إلا بالله - لا حول ولا قوة إلا بالله .. فيسأله : شو صار ؟ فيقوله السائق انه شاف حادث رهيب وهو في طريقه ووصفله السيارة وقاله المواصفات كاملة == وهنا تكون الصاعقة اللي هلت على هذا الشاب لانه يعرف انه هاذي السيارة اللي سوت الحادث وهاذولة الناس اللي ماتوا في حادث شنيع هم ربايعه والسيارة اللي كان راكبها قبل كم من وقت .. ويظل الشاب ساكت على طووووول الطريق ويستغفر ربه ويحمد ربه انه نجا من هذا الحادث اللي كان مصيره فيه نار جهنم ...
وبعد هاذي الحادثة يهتدي هذا الشاب الذي كان لا يذكر ربه من قبل ويصبح من اكثر الناس ذكرا

منـــــــــقــــــــــول