ناس دايما يلمحون لي نخطب بنتهم لواحد من اخواني

السلام عليكم
في وحده من اهلنا تقرب لنا مرت خالي كل مره تشوفني تقعد تلمح لي اننا نخطب وحده من بناتها لواحد من اخواني وحتى خالي نفس الشي كل مره يشوفني يسألني عن اخواني اذا اشتغلو ولا لا
خالي هذا ابو زوجي وأحس انه زودها بزياده والله احس انه وده يقولها بصريح العبارة
مليت من تلميحاتهم خاصة بعد ما طلعت بنته من المدرسة وجلست بالبيت ومرته كل مره تلمح واخر مرة قالت لي (تدرين في كثير من عايلتنا ماخذين من عايلتكم وجلست تعددهم وما خلصت قالت الله يزيدهم ****لله)
وانا مره من المرات قلت لها ان اخواني ما يبغون يتزوجون من الاهل بس مافي فايده بعدها تلمح وكل قصدها انه مثل ماخذناك لولدنا تاخذون بنتنا لولدكم
خير ****لله في اي قانون هذا
وانا اخواني جامعيين وهم مايبغون الا جامعيات ومو بس كذا وحدة من خالاتي ماخذة بنت من بناتهم لولدها والله وكيلكم من اول ماتزوجته وهي تتخانق مع خالتي وتطول لسانها عليها لما زوجها طلعها تسكن بشقة لوحدها وهي ليومك لا تزورهم ولاحتى بالعيد تروح لهم
وبنات خالي الثانيات تخيلو لاصار عيد ولا عرس مايجون يسلمون على امي وخالاتي اللي هم عماتهم اصلا وحتى لازاروهم ولا وحده منهم تدخل المجلس تسلم عليهم تخيلوووو
ومره من المرات امي اتصلت بتكلم خالي وردت بنته ولا سلمت ولما قالت لها امي عطيني ابوك جلست تستهبل عليها وقالت من نقوله وشنو تبغين منه تخيلو وهي تدري انها امي المتصله والله ماعندهم ذرة احترام لامي وخالاتي
واللي قاهرني اكثر ان خالي هذا من يسمع ان وحده من خالاتي خطبت لولدها ينقهر ويصير مو طايقها وحتى اذا بتسلم عليه يسلم بدون نفس
يعني من جميع الجوانب سيئين وماعندهم احترام لعماتهم وحتى اذا بيسلمون عليهم مايبوسون راسهم
والله لو تنطبق السما على الارض ما خطبناهم لخواننا
ازعجوني بكثرة تلميحاتهم احس كأنهم يحرجون على بضاعة شنو مافي الدنيا الا بناته