السلام عليكم ورحمة الله
اليوم أعترف لي زوجي ان فيه ناس من جماعتي لاني أنا وأياه مهوب من نفس القبيلة
دقوا عليه ـ دقت الحاهم ان شاء الله ويقولون تعال بنزوجك ولانبي منك ريال
حنا نشتري الرجال ومن كلام الكذب والمهايط اللي على غيرسنع
المشكلة زوجي رفض يقول لي منهم لانه عارف في المواضيع هاذي ماعندي يا أمي ارحميني قسم بالله لاشرشحهم وأخليهم سالفة على كل لسان وادق على أهلي اخليهم يدلونهم الطريق المستقيم والله أن تصير شرهات له أول مالها تالي
ابي أعرف شي واحد ماحلا لم غير المتزوج والمشكلة اللي من برا ليه علشانه من برا رضوها علي ومارضوها على بناتهم يزوجون رجالهم
لو فيهم خير ونيتهم صافية كان زوجوا الشباب اللي ماعندهم غير الدوارة في الشوارع والله عندنا شباب فيهم الخير والبركة ليش مايزوجونهم ليش مايقولون لهم تعالوا بنزوجكم ولانبي منكم ريال ليش يوم يجون يخطبون بناتهم يكسرون ظهورهم بالمهور المبالغ فيها
والمتزوج بيزوجونه بلاش ولا بس يحلا لهم خراب البيوت
اول ماعرفت دعيت عليهم من قلب كنت محترة وفايرة أعصابي
الحمد لله عارفة زوجي وقالي انه ردهم وقال لهم أنه مبسوط في حياته ولاهوب يم الزواج
على قولته يالله بحملها تقوم
بعدين زوجي معطيني عهد لو فكر بس تفكير انه ييبي يتزوج بيقولي ما راح يخبي علي
نفسي الحين أعرف من هم وليش سوو كذا لو جماعته اللي سووها تهون عندي المشكلة ربعي ويسون فيني كذا آآخ يالقهر
رأسي بينفجر من كثر ماأفكر في الموضوع
دعواتكم الله يصرفهم عني
عزتي في بيتي @aazty_fy_byty
محررة فضية
يلزم عليك تسجيل الدخول أولًا لكتابة تعليق.
نور الدنيا25
•
صادقه كثرانه هالحركات. والمشكله لاصارت من القرايب:mad:
و**** قهر **** يكون فى عونك وبما انو انتى وزوجك متفاهمين ماعليك منهم بس ودك من يشرشحهم هذى الفئة التعبانة لو فيهم خير كان زوجوا شبابهم بعدين هذول الناس من طرفكم شوفى مين حاط عينة عليكم من جماعتك و**** الدنيا تخوف.
❥غرور❥
•
وش الدليل ! يمكن زوجك يكذب عليك يبي يحرق اعصابك وبيثير غيرتك شوي
لانهم ينبسطون مره اذا الحرمه غارت
لانهم ينبسطون مره اذا الحرمه غارت
الصفحة الأخيرة