صار لي فتره وخاطري اتعلم ناشف القباقب لأن الكل كان يتكلم عنه ويمدح طعمه
ويوم تعلمت الطريقه قلت لازم اوريها حبايبي في المنتدى
اول شي نفوح القباقب في ماء وملح وقليل من الكركم و4 او 5 حبات من التمر لازالة الزفوره
وهذي شكله بعد مرور ساعه تقريبا
بعدين نبتدي مرحلة تنظيف القباقب
ناخذ القبقب
نكسر العضاعض بهذي الطريقه
نقص الاطراف الحاده
نكسر الظهر ونظف داخل القبقب من البيض ونقسمه قسمين بهذا الشكل
ونسوي بنفس الطريقه كامل المقدار
نحط جميع انواع البهارات عليه
نقطع بصل قطع صغيره
ولازم يكون البصل كميته كبيره شوي
يحمس البصل على النار ونضيف الماء الى ان يتحمر
نضيف الزبده على البصل
ثم الثوم المفروم مع الفلفل الاخضر الحار والزنجبيل المبشور
يتبع
نقطع حزمة حشيش
حزمة شبنت
حزمتين سلك الى قطع صغيره ونضيفه الى الخليط
نضيف علبه ونص صلصه ونخلط الجميع مع بعض ونضيف قليل من الماء بحيث تكون الصلصه ثقيله شوي
بعدين نضيف القباقب
ونتركه على نار هادئه نص ساعه تقريبا
ولازم يقلب بين فتره وثانيه عشان الخلطه تتشرب فيه
وبيكون الطبق جاهز
يقدم مع الخبز
وبالعافيه