نافذة النصب....موضوع للتحذير من الذين يشفطون أموالنا بإرادتنا...وهم يضحكون بعد...!!

هاهااااااع....

معلش بنات القهر ماكلني ولا ادري من وين ابدا ولامن وين انتهي...

تتذكرووووووووون بنات موضوع الأخت مدولينا اللي روجت فيه لمنتج اسمه لوشن بيوتي الالماني...وانه اللهم ياكافي بيضها في اسبوع واحد...

شوفوني رحت طلبته من شركة نافذة حواء اللي تعرفونها واللي حطت رابطها ...

بسعر خرافي وقدره 250 ريال على علبة 250 مل...كل مل بريال...تخيلوا...

واثاريني يوم جاني تقولون وش الله معطيني...مير اللهم لك الحمد على نعمتك ...والحمد لله على كل حال

تمرمطت وانا اطالب الشركة التوصيل اللي يتعاملون معها حواء ذولا واسمها شركة هيتكس ابيهم يوصلون طلبي ....موب نافذة حواء المصونة كاتبين توصيل من الباب للباب....؟؟؟ودفعوني 25 ريال اجور توصيل وشحن؟؟؟

ولما ادق على هيتكس يقولون مانوصل لبيوت نوصل لشركات ومؤسسات !!!!!!!!!!!!!!!!!!

المهم روحت اخوي المسكين ولين لقى مكانهم شيّب راسه ...

وفي النهاية اطلع منها بكريم خااااايس هذا اولا...

ريحته قريبة من ريحة كريم ابو وردة اللي كنا ندهن فيه شعورنا يوم كنا صغار...

ولاهوب موجود في علبة ولاشي بكرتون ومحاوطينه بجرايد (هذا شحن ماتفهمون أنتم !!!!!!!!!!!!!!!!!!!)

والآهم من ذلك علامات اصابع مقرفة عليه ولافي لانشرة ولاتعليمات ولاشي

واول مرة بحياتي اشوف كريم مكتوبة وصفة استخدامه فوق اللصقة التعريفية حقته...وهي اللصقة الوحيدة الموجودة فيه ...


نهاية الكلام ياخواتي انا في شهر صيام ولاودي اكسب آثام لكن ماادري كيف هالشركة اللي اسمها نافذة حواء تأسس موقع وتسوي دعايات وتبيع منتجات اتحدى لو تكلفتها تتجاوز الخمسين ريال باضعاف اضعاف ثمنها؟؟

والشي الثاني يوم انها تلتزم بسالفة التوصيل كيف ماتنفذها؟؟؟وكيف يصير منظري مثير للسخرية قدام اخوي قال ايش قال نا ادافعة اجور توصيل ياخوي....!!!

والشي الثالث كيف يتجرأون على ربي ويخدعون الناس عيان بيان لاويسرقون فلوسهم ....وهم يضحكون..

انا تأدبت يابنات وتوبة ونوبة لو مرة ثانية انسقت ورا هالدعايات المضللة اللي تروجها عالم حواء بكل أسف ....مرة روج لتكبير الشفاه ومرة كريم لنفخ الخدود ومرة للتتبييض ...لاوليتها بفلوس شوية هه خمسين اربعين مية ...ميخالف...

لكن ميتين وخمسين ...

وربي مااحلل هالشركة ولاهالموقع ان كانهم يدرون عن الخطأ اللي سووه ومتعمدين وربي ماحللهم ...واطلب منهم يتوبون لله تعالى في هالشهر الفضيل ويرتدعون عن خداع الناس...

ومن تاب تاب الله عليه ...لكن ان يستمرون في اكل اموال الناس بالباطل فلاحاجة لي بأن اذكرهم بقوله تعالى : إن الذين يأكلون اموال اليتامى ظلما انما يأكلون في بطونهم نارا"

وقوله تعالى:" ولاتأكلوا اموالكم بينكم بالباطل وتدلوا بها الى الحكام لتأكلوا فريقا من اموال الناس بالإثم وانتم تعلمون"

الا هل بلغت وحذرت ....اللهم اغفر لي ان كنت قد ظلمتهم ...واغفر لهم ان كانوا قد ظلموني...وامنعهم ممن الظلم واكل اموال الناس بالباطل....