ناقتي

السلام عليكم ورحمة الله وبركاته

\\

\\

\\
قصيده مجاراة للشاعر ناصر الفراعنه في قصيدته عروس نجد أو ناقتي ياناقتي
للشاعر عبدالعزيز الحمد السبيعي


فاطري يافاطري في خلا مابه ونيس=درهمت مثل النعامه تدوس القفر دوس.
اذكر اللي سخرك واتعوذ من بليس=كل ماقامت على القفر فالمقطع تحوس.
روحت من نجد عجله ويرعبها الحسيس=تسبق الميج المسمى صناعة نسل روس
مانبي ديرة قطر مانبي ديرة عويـــــــــس=وجهتي لبوظبي بدخل الحرب الظروس
شاطي الراحة وقد مثل نار في حميس=يوم جاهــــم ناصر الشعر واعطاهم دروس.
اطمني ياروس قوم على المعنى دسيس=مارد الشعار رمحه على الشعر امغروس.
البحر طم الجبل يالمقوس وش تقيس=اتعب الســــــــباح بحر المعاني لو يقوس.
هيه يالي تحسبون الشعر طبخة مريس=معجزة والمعـــجزه صار بين ومحسوس.
المعادن وافره والذهب يبقى نفيس=في بنوك المال يبقــــــــــى مجود ومحروس.
خبر الخباز يتعب على خبز التميس=علم ناصر عند ركـــب وصل داره عسوس.
القلوب الحاقده من صدى فيها تخيس=والشعر في صدر ناصر موطن ومحروس.
جرت اذيال الفشل والرحي تظرس ظريس=لاتعلاها القطـــــامي تعلي فرخ قوس.
جرها جر الرشا والحبل حبل مسيس=واحتماها عن هل الزور واضعاف النفوس.
ازبنت في ضف ناصر عن الهيس الخسيس=واطمحت له معجبه والبست زين اللبوس.
عقب سود البس والغبن والحظ النحيس=انورت ثم اشرقت كنها شمس الشموس.




\\

\\

\\

\\