ناقشت زوجي وكرهته اكثر واكثر.. ما ادري تزوجت رجال والا بنت مثلي>>استوفى الردود

السلام عليكم
انا كتبت مشكلتي قبل امس
وجزاكم الله خير عالردود
وطبعا اي نقاش مع زوجي ينقلب هواش
اخرتها قال لي انا رافض العلاقة الخاصه معك لاسباب نفسيه
وحلف انه سليم ومافيه اي سبب عضوي
وحلفته وقال انتي جميله ونظيفه ومافيك عيب بس اتذكر خلافاتي معك واتحاشى ألمسك


الرجال له على هالحال مده طووووويله
وخلال 7 شهور ماجاني الا 9 مرات بس وربي يشهد
لاني بديت اسجلهم.. متخيلين!!!
و ب50٪ من هالمرات انا اللي اكون مبادرة


جربت اطنش شهرين وانام قبله وألبس ساتر واتجاهله
وجربت ابادر واجيه مابين فتره وثانيه
وعيشته شهر كامل شهريار زمانه وامرك ياسيدي وتاج راسي
وبالاخير حاولت ألهي نفسي وانشغل عنه ولهيت بشغلات كثييييره
بس باقي الجرح فيني زي السكيييين
وفوق كذا قال لي مع النقاش كلام جااااارح
زاد من كرهي له واحتقاري له
ما احس اني متزوجه رجال
كأني عايشه مع وحده من خواتي
وهو يقول احمدي ربك اني ما اقصر باغراض البيت
غيري زوجته هي اللي تجيب المقاضي!!
تفكيره طفولي
انا تعبت وقرفت ومليت منه
واذكركم ان له سنتين ماسفرني
ويقول السفر مو ضروري.. علما بأن بحسابه فوق الميتين ألف
هذا بس الاسبوع الماضي لماسحب وانا بالسياره
وكل يوم يدلع نفسه بالملابس والماركات


طاقه كبدي منه
الزواج تحصين وهذا مو قادر يعفني
وبنفس الوقت دايما يقول لي ما احسك انثى
ويتتقد تعليمي العالي وثقافتي ويحاول يقلل من قدري
وبأي خلاف دايم يصرخ بوجهي: رجولتي مو عاجبتك!!!
مدري ايش دخل الرجوله بأني ماكثرت ملح او ما قطعت سلطه..


شغلت سوره البقره
بس زوجي شياطينه قويه
يدخن ويسمع اغاني ليل نهار ويقصر بصلاته
وعادي عنده قذف المحصنات
ويتلفظ على صديقاتي بكلام بذيء ويتهمهم بالزنا وشغل بنات الليل
وصديقاتي اشرف منه.. بس هو حاط بباله اني لوقلت بسافر او ابي شي فأحد شاحني


بنات انا انام يوميا ودمعتي على خدي
ودي اتطلق منه وارجع بيت اهلي وبنفس الوقت خايفه انكد عليهم
وياليت لحد يقول طنشيه وعيشي حياتك الخ
لانه اذا هو سليم على قوله بكرا بيشوف له شوفه او يتزوج
وانا اباكل تبن طول عمري اذا كبرت وانحرمت من شرع الله
على قولتهم لانلت بلح الشام ولاعنب اليمن
عالأقل ببيت اهلي لا مسؤوليات ولا تغسيل وكوي وطبخ وتنظيف الخ
لكن ببيته أكرف كرف الحمار ومجاملات له ولأهله
واخرتها مو حاسه إن عندي زوج يعفني أو يرفه عني بسفره او رحله
اقصى شي عنده انه ياخذني مره بالاسبوع للسوق
وانا ببيت اهلي اقدر اروح يوميا للسوق بلا منته

سبحان الله صدق ان الله ماشرع شي عالفاضي
زوجي الحين طايح من عيني.. لو يلبس عبايه ونقاب احسن له
رغم اني اشوف كيف عيونه تتلاقط عالبنات الحلوات
بالتلفزيون او اذا طلعت معه