ناوية اطلب الطلاق بعد نفاسي ان شالله ادخلو بشاوركم

هلا بنات
انا صار لي عشر سنين متزوجة وصار مشاكل وانفصال ونرجع واخر مرة كانت 2005اللي رحت فيها بيت اهلي وجلست ثلاث شهور بعد مشاكل عنيفة
والحمدلله رجعت اول شهر زوجي عادي وبعدين اتحسن مرة ولله الحمد عرفت معنى حياة زوجية
لمدة سنتين ماشفت منه يوم سيء
بعد السنتين تمام الرجال بدا يتغير يصير يوم كويس يوم بطال
والى ساعتكم
طبعا صار له من العام بزيادة ايام قليلة اللي يصير كويس


ومشكلته اذا صار كذا خلاص ماعاد ينفع معاه ولا طريقة ولا معاملة يصير زي المنوم مغناطيسيا
خلاص ماله حل

طبعا كل مرة اقول بخليه بس ابي احمل قبل ابي يصير لي ذرية لاني ممكن اتطلق ولاعاد اتزوج
وانا ماعندي الا اثنين
وثلاث سنين واخيرا حملت
طبعا السنة هذي زايد علي يشكل مب طبيعي

مايناديني قدام عيالي الا ياحيوانة تعالي

احس مرة فقد الاحترام بينا انا مرة ذوق بس مؤخرا صايرة زيه تمام
مااتلفظ بس انافخ ونفسي شينة واتحسف واقول مفروض اعامله بااخلاقي مو بااخلاقه هو



كاننا اعداء ساكنين ببيت واحد مافيه اي مودة واحترام بس صراخ وتطنز

وقالي كم مرة انا طابيبة نفسي منك




بعدين بعد كم يوم يروق ويصير عادي بس طبعا مو عادي زي اول مارجعت له بعد اخر انفصال

بس ارحم من العادة



طبعا انتم لاحظتو مافي بينا مشكلة محددة
اللي بينا بس سوء تعامل وسوء عشرة واحسه هو مال مني ماعاد يطيقني احسه من جد يكرهني


وانا صراحة مع هالمعاملة سبحان الله انمسحت محبته من قلبي تماما

بيني وبين نفسي بس ادعي عليه


ودي اطلع واخليه بس عيالي كبرو اللحين ويفهمون
احس صعبة


وقلت مافيه الا اذا ولدت بالسلامة ورحت لاهلي



خلاص ماعاد ارجع له ثاني




ترى مالي من بعد الله الا انتم
خواتي زي قلتهم لو يدرون عني بيتشمتون


وصديقات ماحب اشكي لهم لانهم امورهم تمام مع ازواجهم فماراح يفهمون

وش رايكم ابي احد يعطيني حل ابي احد يواسيني

والله انا مهما كنت سيئة( وانا مو كذا )مايعاملني هالمعاملة

دايما اقول ليه كذا




تدرون يوميا ابكي ولو مابكيت عيوني تدمع اتحسر على نفسي وحياتي
واقول بنفسي بقدر اكمل لكم سنة قدام

بيتي على قد ماحبه بس خلاص وجوده فيه يخليني اتضايق مرة


ودي افرح بحملي وببيتي وحياتي


بس دايما ينكد علي مزاجي





انتظر دعمكم ومواساتكم لي