ناوية اغير طريقتي بالعناية بالمنطقة الحساسة بعد الولادة

السلام عليكم ورحمه الله وبركاته
يابنات انا كنت انظف المنطقة الحساسة انتفها بالحلاوة وكنت واثقة من النعومة لمدة اسبوع بعده اكون على اعصابي لين يطول شوي وارجع اشيله
بعد ما ولدت بنتي قيصري بصراحة ما قدرت استخدم الحلاوة خفت على الجرح لاني حاولت بعد الاربعين لكن الالم مكان الجرح فظيع فصرت استخدم الموووووس واههههههه من الموس يوم ورا يوم لكن الشعر صار خشن والمنطقة سمرت بزيادة مع اني استخدم مقشر بين فترة والثانية وكريم سودو لكن لا حياة لمن تنادي الحين صار لي استخدم الموس الوردي تقريباً اربع سنوات
ابغى بعد الاربعين اغير عن الموس
الحلاوة مستحيل ارجع لها لان ولادتي قيصرية
افكر في ماكينة حلاقة انا استخدمت براون وامجوي لكن مؤلمة جداً استخدمتها لليدين
ايش تشورون علي صراحة مليت من الموس ومشاكله