ناويه احج ان شالله وشايله هم عيالي وخاصه بنتي

حياكم الله

نويت الحج ان شالله وادعوا انه يتم على خير

وعندي اطفال صغار اكبرهم 6 سنوات

والمشكله في 2 فيهم الكبيره
لانها متعلقه فيني مره بشكل عجيب
اقنع فيها اني بروح مكه انا وابوها ؟وبجيب لها هديه ومن هالكلام وهي تقول خذوني معكم
انا راح اتركهم عند امي بوجود شغالتي
شغالتي بارده جدا؟
ووحده من بناتي حركه الله يصلحها تفسد كل شي وتخافين عليها ؟ من حار؟ من باب الشارع؟ من الدرج؟ لكن بستودعهم الله
والكبيره مدري وش الحل معها ان رحت وتركتها امام الامر الواقع عند امي بتفزعهم بالصياح ومهيب زي باقي الاطفال بتسلى؟
اما زوجي تقول خلي عندي احد منهم ومحتاره؟
الكبيره بحطها عند امي لان فيه خواتي الصغار لعلى وعسى تلهى معهم؟
والثنتين الصغار توم ودايم مع بعض ؟ وصعبه افرقهم
والصغير متعلقه فيه الشغاله وهو اللي بتناظره ؟وصعبه احط الشغاله عند ام زوجي والباقي عند امي بدون شغاله؟
اللي حجت ياليت تقولي هل فعلا زي ماقالوا وقت الحج تكونين بعالم ثاني وبتسلين عن عيالك ؟
الله يحفظهم من كل سوء ومكروه؟