ناويه تجددين في بيتك تفضلي

السلام عليكم ورحمة الله وبركاته

شخباركم ان شاء الله بخير

اتمنى ان الموضوع مايكون مكرر

مثل ما شفتم الموضوع ابي من كل وحده ناويه تجدد في بيتها

تقول شنو ناويه تجدد وشنو الافكار اللي بتعملها في بيتها او تبي نساعدها في شيء بخصوص

الديكور والاثاث والترتيب

او عندها افكار للي حابين يجددو

انا رح ابدا انا ناويه ان شاء الله اعمل بويه للبيت كله بس محتاره في الالوان فكرت ان غرفة الجلوس يكون لون البويه اورنج فاتح

والصاله يكون لونها بيج فاته مع اورنج يعني جدار واحد اورنج والباقي بيج ومجلس الرجال تفاحي طبعا ساده البويه

ابي اسمع رايكم في الالوان لاني محتاره وما ابي البيت يكون مشكل ابي الوان متقاربه

وابيكم تساعدوني في لون السيب اللي اول ماتدخلين من الباب كيف اختار لون البويه

وناويه اغير النجف والمراوح اما غرفة النوم هي لون البويه وردي وش رايكم اغير البويه حقتها او اخليها

واغير المفارش والاكسسوارات لانه ودي اغيرها بس صعبه لانها ثقيله مرررره

واخاف تنعدم من الفك والتركيب وابيكم تعطوني افكار للبيت تكون جديده وعمليه

والحمام الله يكرمكم شنو رايكم القيشاني يكون لونه بيج او ذهبي والسراميك شنو يكون لونه

ادري غثيتكم لاكن ماعليه تحملوني


واتمنى من الكل يشارك ويستفيد ويفيد