نبذة عني .. شوروا علي

السلام عليكم
كيفكن بنات؟ حابة احكيلكن نبذة عن حياتي و لو كنتوا مكاني شو كنتوا راح تعملوا
- عمري 23 سنة و مغتربة مع زوجي ، زوجي عمره 35 سنة
- دخلنا نوعا ما محدود جدا بحدود 3500 ريال ( راتب زوجي) و انا بعطي دروس خصوصية يعني تقريبا بالشهر بيطلعي 1500 ريال
- بيت ملك ما عنا ، ساكنين بشقة ابوي اشتراها و خلاها للزمن و ما عم ندفع اجارها
- كل شهر من الراتب عم نشيل بحدود 2000 ريال مشان نجمع حق بيت ملك ( طبعا لسا لازم نجمع كتييييير ، جمعنا لهلا بس ربع حق شقة )
- زوجي طبعا بسبب ظروف بلدنا و الخ ما قدر يشوف اهلو تقربيا من 9 سنوات ( انا تزوجت من 3 سنين و شوي و ما بعرف اهلو معرفة شخصية ) هي الصيفية ان شاء الله راح تتيسر سفرتنا و راح نسافر و طبعا هالسفرة بتكلفنا حوالي 120 الف ريال 😞 حق بطاقات الطيارة ، السكن ،الهدايا ، الخ
- عندي بنت عمرها سنتين و 7 اشهر و الكل عم يقلي انو هلا الوقت مناسب اني جيب ولد تاني بيكون صار عمرها قريب 4 سنوات بس اولد ، طبعا بنتي كتير بتمل بالبيت ما عندها اطفال بعمرها و حتى انا ما بعرف حدا عندو اطفال بعمرها ليلعبوا ، و هلا شتوية و تلج عنا فما فينا نروح عالحديقة تلعب ، دخلتها حضانة بس صارت تمرض كتير من الاطفال فخليتها بالبيت
- انا حابة اجيب طفل تاني مشان بنتي تتسلى شوي بس خايفة اني اتعب عالحمل و خايفة من الولادة و الفترة يلي بعد الولادة كيف بدي وفق بين طفلين و بصراحة كمان خايفة من الوضع المادي ، لانو لازم نشتري بيت ملك لانو هون مصيبة اذا كل حياتنا بدنا نقضيها اجار بعدين ، و مع الطفل اكيد راح يصير المصروف اكبر . و اكيد اول سنة و نص راح وقف دروس بعد ولادتي لانو ما في مين يقعد مع الطفل.
-زوجي حابب طفل تاني لانو عمرو 35 بس كمان متردد نوعا ما
- المشكلة التانية انا معي مشكلة بظهري معي انحناء و تقوس خفيف بالعمود الفقري ، بعد حملي اكتشفت و انا ظهري بيوجعني حتى لما بوقف اجلي الصحون فكيف اذا حملت؟ الدكتورة قالتلي انو مع الحمل راح يزيد اذا ما ساويت علاج فيزيائي حتى خلال فترة الحمل، فكمان خايفة من هالنقطة انو يخرب ظهري اكتر و اكتر 😭😭
بدي كل وحدة تحط حالها محلي و تنصحني من قلبها ، بتجيبي الطفل التاني بهيك ظروف او لا؟ انا زعلانة على بنتي دائما لحالها
طبعا انا ناخد قرض مشان نشتري بيت ما فينا لانو بيتعاملوا بالربا هون ، و مشان يدور زوجي على شغل تاني براتب اعلى كمان ما في ، بالبلد يلي نحن فيه ما في اكتر من هيك رواتب 😭😭
فكرنا نروح ع غير بلد بس لازم يكون في شغل مأمن ما نروح نجرب حظنا و بس
فشوروا علي