السلام عليكم
انا من فتره ابحث عن سياره في مواقع حراج وجاني احباط فضيع صراحه من الأسعار مع العلم اني لا اجيد السواقه وأريد السياره أتدرب عليها. وكان اختياري سيارات اقتصاديه وصغيره. لكن مع ذلك اسعارها غاليه مع انها مستخدمه . وفي الأخير حصلت سياره ب٢٠ الف وتعتبر افضل سياره حصلتها في موقع حراج من ناحية القيمه والموديل وكلمت صاحبها وعلى أساس بأخذها لكن ابو الشباب رفض وقال يمكن فيها بلاء لا تأخذينها قلت ما عندي احد يشتري لي وسار خلاف وشد وحط وقال معارض الشفا أرخص ورحنا معارض الشفا وهي اكبر معارض سيارات في الرياض وفعلا حصلت سيارات افضل وأنظف منها بسعر اقل. وموديلات وشركات متعدده . فنصيحة اللي تقدر تروح معارض الشفا مع محرم يفهم في السيارات وتنقي على كيفها وتقدر تأخذ رقم العمال اذا تبي سياره وموديل معين توصيهم اذا حصلو يتواصلون معاها
طبعًا عندهم أعداد هائلة من السيارات
لكن للمتدربة افضل السيارات الصغيره
مثل اليارس والصني ورينو وأفيو وسبارك وأنواع أخرى ممتازه واقتصاديه
وحصلت عندهم سيارات عائليه اسعارها جدا حلوه وكل ما كانت السياره تستهلك بنزين اكثر كان سعرها اقل مثل الجموس والجيوب اسعارها نزلت عن السابق
الله ييسر امورنا يارب ويختار لنا ما فيه الخيره
((رندا)) @rnda_18
عضوة فعالة
يلزم عليك تسجيل الدخول أولًا لكتابة تعليق.
بسومه الحلوة مره
•
جزاكي الله خيرا
الصفحة الأخيرة