السلام يالله يابنات محتاجة مساعدتكم القيمة والثمينة
قاعدة احاول اسوي قائمة بالكتب الي ابي اقراءها هالسنة 1437 اذا الله كتب لنا عمر
ومحتاجة مساعدتكم كللللللللللكم بدون استثناء
اذا قريت كتاب وحسيتي انه فادتك الله يعافيك شاركينا تجربتك وراح يكون بميزان حسناتك
اذا قريتي كتاب وحسيتي انه كان بعد الله غير حياتك او منطقك او نظرتك للامور ياليت تضيفينة
اذا قريتي كتاب و رفع روحك المعنوية او علمك مهارة جديدة اضيفية مشكوره
لاحظت اني اقراء في مجال واحد واحس هالشي حد من قدرتي على تطوير جوانب ثانية وبشكل لا شعوري لما اروح المكتبة القيني اخذ نفس الكتب في نفس المجال مع اختلاف العناوين
وعشان كذا مساعدتكم جدا مهمة
sweeetbdoor @sweeetbdoor
محررة فضية
يلزم عليك تسجيل الدخول أولًا لكتابة تعليق.
انا مااحب القراءة كثير بس اعجبني الرجال من المريخ والنساء من الزهره
الله يسعدك حبيبتي
الله يسعدك حبيبتي
الصفحة الأخيرة
بس قبل لا اعيد الكتابة ابي اقول شغلة ان لاحظت ان الي يقرون نادرين وقليلين وحتى الردود على موضيع تهتم بهالشي جدا قليل ومعدوم لكن لما ادخل قسم المشاكل الاجتماعية القي كل موضوع مهما كان بسيط او تافه عليه ردود بالهبل
يمكن هذي مشكلتنا نحكي ونفتي ونعتقد اننا نعرف كل شي (:
من الترشيحات الي جاتني لليالي الشتوية الطويلة وللقراءة من النوع الثقيل
كتاب الروح لابن القيم
الكامل في التاريخ لابن اثير
الحكم العطائية -أبو العطاء السكندري
مئة عام من العزلة ماركيز
الكون في قشرة جوز لستيفن هوكنج
--------------------------------
للتنمية والتطوير الذاتي
خطط حياتك لصلاح الراشد ( يشبة كتاب صناعة النجاح لطارق السويدان)
من يشد خيوطك المؤلف د هاريت
-------------------------------
للتسلية
خوارق اللاشعور ( احب هالنوع من الكتب الي تتكلم عن العالم الغير حسيى والا مادي واعتقد ان هالمجال كثير ناس تغفل عنه ودايم اتذكر الاية ( فرفعنا عنك غطاك فبصرك اليوم حديد) ( وقد كنت في غفلة عن هذا) ياتري وش هي الاشياء الي حوالينا واحنا ما نقدر نشوفها وغافلين عنها )
رواية السجينة ( مع اني ما احب الروايات اعتبرها مضيعة وقت بس سمعت عليها مدح كثير )
كتاب اساطير الشعبيه قصص منها الواقعيه لعبد الكريم الجهيمان ( عاد هذي احلى شي اذا قريت قصة شعبية وزدت عليها شوية بهارات وجلست احكيها بطريقتي للصغار)
مع السنة الجديدة خل نخليها عادة ان الكتاب دايم معنا حطيه بالشنطة جمب السرير اقري فيه اذا كنتي بغرفة الانتظار ولا تنتظرين السايق وانشري هالعادة في الي حواليك ومرري هالطبع لهم ومن سنة سنة فله اجرها واجر من عمل بها
ادري ان في مجتمعنا شي مرة محبط اسعار الكتب عالية و الانشطة في المكاتب تكاد تكون معدومة والله ادخل مواقع اجنبية القي سعر الكتبا 0.99 سنت يعني حول الريالين مع شحن مجاني بس للدول المتقدمة USA و Uk و اقدر اطلب كميات مهولة بس الشحن كسرت ظهر
اما هنا حتى الكتاب المستعمل ما القي وكل محلات الكتب المستعملة تبيع اشياء مدرسية او منهجية او مجلادات ( نفس اعرف وين تروح الكتب المستعملة الي تعرف تدليني وتاخذ اجري )
ولازالت القائمة تحتاج للاضافة